“Энг яхши китобхон” танлови

0 970

“Энг яхши китобхон” танлови

Ҳар йили 23-апрель санасида дунё бўйича “ Халқаро китоб ва муаллифлик ҳуқуқи куни” кенг нишонланади. Шу муносабат ила 18 апрель куни Хадичаи Кубро аёл-қизлар ўрта махсус ислом билим юртида тадбир бўлиб ўтди. Билим юртининг Ахборот ресурс маркази раҳбари Саиджалолова Меҳринисо китобга бўлган эътибор, китобларни яхши сақлаш, айниқса Қурони карим ва ҳадиси шарифга оид китобларни эҳтиром қилиш, гарчи тараққиёт асри бўлсада, ҳар бир илмни камьютер, планшет ёхуд юяли воситалардан эмас, китоблардан ўқиб ўрганиш лозимлигини, китобнинг ўзгача файзи борлигини таъкидлаб ўтди. Бундан ташқари, талабалар ўзларининг дарслик китобларига чизмаслик, саҳифаларини букламаслик, турли нарсалар тўкмасликлари яна бир бор эслатиб ўтилди.

Маърузадан сўнг, “Энг яхши китобхон” танлови ўтказилди. Унга кўра, 3 курс талабаси Орифжонова Гулҳаё, 2 курс талабаси Маннобжонова Робия, 1 курс талабаси Аббосхўжаева Марям танлов ғолиби деб топилиб, қимматбаҳо қитоблар билан тақдирланди. Тақдирлашдан кейин, ҳар бир курсдан одоби, хулқи, ўзлаштириши ва жамоат ишларида фаоллигига кўра бир неча талаба қизлар Айдарбек Тулеповнинг “Интернет таҳдидларидан ҳимоя”  китоби тақдим қилинди.

Билим юрти ўқитувчиси

Мирахмадова Нодира

Баҳам кўринг

Leave A Reply