Сизни Аллоҳ учун яхши кўраман!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Уламо ичинда қалбимга яқин, Энг ёруғ нур сочган, гўёки чақин, Мени маддоҳ экан деманг сиз тағин, Сизни Аллоҳ учун яхши кўраман, Йўқ, деманг, Сизга чин шогирд бўламан!   Пайғамбар меросин тутиб омонат, Ҳақни етқазасиз қилмай хиёнат, Сиз‑ла англадим не дин-у диёнат, Сизни Аллоҳ учун яхши кўраман, Йўқ, деманг, Сизга чин шогирд бўламан!   Сиз менга ғойибдан бўлиб муаллим, Қуръон, ҳадислардан берасиз таълим, Бўлса Сизча бўлар бир аҳли илм, Сизни Аллоҳ учун яхши кўраман, Йўқ, деманг, сизга чин шогирд бўламан!   Китобингиз ўқисам кўзларимда ёш, Қалбимда иймоним нур сочар – қуёш, Отса ҳам жоҳиллар ортингиздан тош, Сизни Аллоҳ учун яхши кўраман, Йўқ, деманг, Сизга чин шогирд бўламан!   МУҲАММАДга содиқ МУҲАММАД СОДИҚ, Сизга илм-у ҳикмат Аллоҳдан тортиқ, Фазилат бормикан бундан‑да ортиқ?! Сизни Аллоҳ учун яхши кўраман, Йўқ, деманг, Сизга чин шогирд бўламан!   Билиб ё билмасдан ботилни сўзлаб Юрган кўп қалбида дунёни кўзлаб, Ҳақиқий устозни топдим мен излаб, Сизни Аллоҳ учун яхши кўраман, Йўқ, деманг, Сизга чин шогирд бўламан!   Саволлар жавобсиз қолмас ҳеч қачон, Бизнинг бахтимизга бўлинг соғ‑омон, Ўзимни ёқтирмай, кўрсам ҳам ёмон, Сизни Аллоҳ учун яхши кўраман, Йўқ, деманг, Сизга чин шогирд бўламан!   Яшамоқ бахтлидир Сиз‑ла бир жойда, Ҳатто туғилибман Сиз‑ла бир ойда, Айтган пандларингиз бермоқда фойда, Сизни Аллоҳ учун яхши кўраман, Йўқ, деманг, Сизга чин шогирд бўламан!   Ёдга тушар ўша ҳадисдаги сўз: «Уламо мисоли таомдаги туз». Отам бўлмадингиз, аттанг, минг афсус. Сизни Аллоҳ учун яхши кўраман, Йўқ, деманг, Сизга чин шогирд бўламан!   Балки, мен Сиз учун оддий бир мухлис, Лекин Сиз мен учун тенгсиз устозсиз, Шу сабаб изҳорим йўлладим «чексиз», Сизни Аллоҳ учун яхши кўраман, Йўқ, деманг, Сизга чин шогирд бўламан!

Мухлислардан

 
Мавзуга оид мақолалар
7. Ўлгандан сўнг қайта тирилишга иймон. Ўлим, ундан кейинги қабр синови ва ундаги азоб ёки роҳатга ишониш ҳам қиёмат кунига иймон келтиришнинг бир қисмидир. Ўлим давоми...

01:21 / 02.05.2017 1657
Масаллиқлар 0,5 кг ёғсиз қийма 3 та пиёз 2 та қизил сабзи 14 та буханка нон 3 та тухум Ўсимлик ёғи 100 гр сир 23 ошқошиқ оқ кунжут 2 та картошка 0,5 боғ кўк давоми...

01:56 / 29.11.2016 1471
Саудиядаги Англиянинг мухтор элчиси Саймон Коллинз, Исломни қабул қилгач, рафиқаси билан ҳаж амалини бажарди. Саймоннинг рафиқаси твиттердаги саҳифасида эрининг давоми...

03:53 / 14.03.2017 2443
    Халқ томонидан кўплаб дуолар олаётган президентимиз Шавкат Мирзиёев ташаббуси билан давом этаётган Қуръон мусобақаси гўзал Қўқон шаҳрида ўз якунига етди. давоми...

04:23 / 08.02.2018 945