Аёлларнинг зерикиши ҳақидаги ўйлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ҳали ёш, болалари кўп бўлмаган аёлларнинг турмуш ўртоқлари уларга кам вақт ажратаётгани, кўнгилларини олмаётгани, айланиш ва меҳмонларга олиб бормаётгани, бозор-ўчар уларнинг ўзларига қолиб кетгани, хуллас, шу кабилар ҳақида нолишларига тез-тез гувоҳ бўламиз. Худбин эрлари ҳеч нарсага зориқтирмаслик учун куни бўйи ишлаб, сўнг спортзалга ёки дўстлари даврасига ёхуд ундан ҳам баттарроқ – онасининг олдига кетган бир пайтда бу келинчаклар бир ўзлари уйда нима қилишларини билмай ўтирадилар. Қачонгача мана шундай зерикиб юраверадилар? Ахир улар ҳам эътиборга муштоқлар-ку! Бу вазиятда қандай йўл тутиш лозим? Балки лозим ҳам эмасдир…

Афсуслар бўлсинки, аксарият ҳолларда диққатнинг ошиши оилалар бузилишига олиб келади. У худди зангга ўхшаб аста-секин ва жуда ёқимсиз тарзда темирни кемириб юборганидек тасаввур беради. Шунинг учун бу каби вазиятларни тўғрилаш шарт. Турмуш тарзи зерикишлардан иборат бўлиб қолган аёл севимли эрининг ҳаётини жўшқин ҳамда доимий арра «наво»лари остида ўтувчи «қувонч»ларга тўлдириб ташлайди. Соддароқ қилиб айтганда, бетўхтов эговлайди.

Агар хотин нуқул нолийвераётган бўлса, бунинг ҳаммаси зерикишдан бўлишини эркаклар билиб қўйсалар яхши. Энди турмуш қурган эрлар ҳар доим ҳам бу илмнинг нозик тарафларини тушуниб ололмайдилар. Улар мавриди келганда аёлларини шундай машғул қилиб қўйишлари керакки, бекорчиликка вақти ҳам, кучи ҳам қолмасин. Чунки беҳудалик бор жойда шайтоннинг найранглари кучлироқ ҳамда ишончлироқ бўлади. Барча ёмонликлар бекорчиликдан келиб чиқади. Пайдо бўлгани замон эса илдизларини чуқур қўйиб, ҳеч қанча ўтмай, ҳосилга киради.

Ҳурматли аёллар, рафиқалар, қизлар! Эслаб қолинг! Зерикиш бекорчилик, дангасалик ёки ақлсизликдан келиб чиқади. Агар ўзингиз ёлғиз қолган пайтингизда зериксангиз, унда атрофдагилар учун ҳам зерикарли туюласиз. Ишонаверинг! Аччиқ ҳақиқат шундаки, зерикарли шароитга фақатгина зерикарли одамлар тушадилар. 

(Давоми бор…) 

Лайло Наталья Баходиридан

ГЎЗАЛ таржимаси

Мавзуга оид мақолалар
Ҳаётимизда содир бўладиган кўплаб воқеаларни тафаккур қилиб кўриш ва улардан керакли хулосалар чиқариш мумкин. Аёл бу тафаккур қилишга ундовчи жумбоқ. Дунёвий давоми...

04:11 / 22.11.2016 2550
  Энди бунинг имкони бор Маълумки, «Омина»Ўзбекистон муслималарига мўлжалланган ягона электрон журнал бўлиб, уни нафақат юртимизда, балки бутун дунёдаги давоми...

05:48 / 15.03.2018 2051
  Муборак Рамазон ойини минг умидлар билан кузатганимиздан сўнг ҳар доимгидек ўзбек тўйҳашамлари авжига чиқа бошлайди. Мен тўйлардаги ҳашамларни кўриб, давоми...

05:40 / 28.12.2016 1977
Ҳазратим ҳақида ўйладим шу дам, Қайси фазилатин баён айласам. Қайси бир хислатин бунда жойласам. Оқ қоғозга қараб, бир хаёл қилдим. Ҳазратим не деркан, деб хаёл давоми...

01:40 / 08.04.2019 4006