Яшасангиз бўлмасмиди...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Яшасангиз бўлмасмиди... Ойлар ўтиб кетди кунларни қувлаб, Наҳот, кўникдик-а йиғлаб-йиғлаб. Аҳдим бор ўтарман дуода доимо ёдлаб, Яшасангиз бўлмасмиди,  халқим бахтига.   Азим чиноримиз эдингиз салобатли, Нурли юзли, Расулуллоҳдек иффатли, Дуолари ижобатли, қадамлари баракотли, Яшасангиз бўлмасмиди, халқим бахтига.   Оҳ, юрагим тўлиб кетар, сизни ўйласам, Соғинмай бўлурми сизни, диним десам. Ўшандан буён татимас ош-ноним есам, Яшасангиз бўлмасмиди, халқим бахтига.   Дунё яхшиларнинг елкасида тураркан. Алар кетса, қиёматга яқин қоларкан. Дини учун юраклари ҳасратга тўлган. Яшасангиз бўлмасмиди халқим бахтига.   Қуёш эдингиз Ислом узра порлаган, Фақат ҳикматга, ибодатга чорлаган. Замонамиз Бухорийси номини олган. Яшасангиз бўлмасмиди, халқим бахтига.   Миллатлар сиздекларни асрлаб кутар. Дунё яхшиларсиз бўлар беш-баттар. Яхши ният ила инсон муродга етар, Яшасангиз бўлмасмиди, халқим бахтига.   Китобингиз ўқиб, кўзим ёшларга тўлар, Ҳикмат олдим, бас, энди гуноҳлар етар. Одамлар! Олимларсиз йўлимиз хатар. Яшасангиз бўлмасмиди, халқим бахтига.   Сиз энди мангу қолажаксиз қалбларда, Барҳаётсиз меросингиз бор бизларда. Хаққингизга дуолар бор не-не юртларда. Яшасангиз бўлмасмиди, халқим бахтига.   Ҳазрат, муаттар исингиз таралур мудом. Толиблар топдилар сиздан даража мақом. Зиё нурингиз асло бўлмагай тамом, Яшасангиз бўлмасмиди, халқим бахтига.   Ақидани тузатдик, бўлиб қалб мусаффо. Васатни топдик, қўлда китобингиз доимо Аҳлуллоҳлардан ким бор яна улуғ аъло, Яшасангиз бўлмасмиди, халқим бахтига.   Ислом осмонида юлдуз бўлдингиз, Зулмат эшикларин ёпиб кетдингиз, Бугун, мана, соғинтириб қўйдингиз, Яшасангиз бўлмасмиди, уммат бахтига.   Зиё нури дунёларни ёритаркан аслида, Олам аро яшаётган мусулмонлар бахтига. Бешикдаги мўлтираган чақалоқлар бахтига, Яшасангиз бўлмасмиди, диним бахтига.   Йиғладим, ёшларим диним учун эди-да, Улуғларнинг борлиги авомнинг бахтида. Ҳазрат ҳам дин учун бир устун эди-да, Яшасангиз бўлмасмиди, ислом бахтига.   Дод, Аллоҳим ! Исён эмас сўзларим, Сени демасам, қуриб қолсин тилим, Ўрнингиз бирам билинди-ку, Ҳазратим, Яшасангиз бўлмасмиди, Ватан бахтига.  

Фарҳодбек  Жўраев

Андижон шаҳри

 

Мавзуга оид мақолалар
Дунёдаги барча адашишларнинг  асосий сабаби илмсизликдир. Суқрот Илм бор жойда жоҳилиятга ўрин йўқ. Жоҳил одам биринчи навбатда ўз зарарига ишлайди. Асосийси, у давоми...

03:54 / 07.02.2018 354
Биз Muslimaat.uz ходим ва ходималари «Islom.uz» портали ходимлари Озод Мунавварга ва оила аъзоларига холаларининг вафотлари муносабати ила, Мадиёров Даврон Фахриддин давоми...

18:43 / 12.12.2016 655
Қиёмат куни мезонга солинмайдиган ажри буюк амаллар  Инсонларни кечириш Аллоҳ таоло «Ким афв этиб, ислоҳ қилса, унинг ажри Аллоҳнинг зиммасидадир» Шуро сураси, давоми...

02:12 / 10.01.2017 5580
1. «Эшак, ит, ҳайвон......» деб сўкиш. 2 «Бадбахт, каззоб, ярамас, семиз, букри, ҳароми...» деб хорлаш. 3. Бошқаларга солиштириш фарзанднинг ўзидаги камчиликни давоми...

10:00 / 18.12.2019 628