Қуръон харитаси: Идрис алайҳиссалом
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Идрис алайҳиссаломнинг исмлари Қуръони Каримда икки марта зикр қилинган.

Ва Китобда Идрисни эсла. Албатта, у сиддиқ ва набий бўлган эди. Ва уни олий мақомга кўтардик.

 Марям сураси, 56–57-оятлар.

  Ва Исмоил, Идрис ва Зулкифлни эсла. Уларнинг ҳар бири сабр қилувчилардандир. Ва уларни Ўз раҳматимизга киритдик. Албатта, улар солиҳлардандир.

 Анбиё сураси, 85–86-оятлар.

 Идрис алайҳиссалом Мисрда, Мемфис (Менф) шаҳрида туғилганлар. Илк бор Ҳирмис ал-Ҳарамиса деб исмланганлар.

Бошқа ривоятларнинг кўрсатишича, у зот Бабилон (Бобил)да дунёга келганлар ва кейинчалик Мисрга кўчиб ўтганлар.

Идрис алайҳиссалом илк бор Нил дарёсини кўрганларида «Бабилюн» деганлар, яъни «катта, муқаддас дарёингизга ўхшаш дарё».

Айтишларича, у зотнинг даврларида 188 та шаҳар бунёд қилинган, улардан энг кичиги Ар-Руҳа шаҳридир.

Идрис алайҳиссалом донишмандлик ва астрономияни ўрганган илк кишидир. Баъзи ҳикматлар у зотга нисбат берилади, хусусан, қуйидагилар:

*Аллоҳнинг марҳамати учун шукр қилишда Унинг махлуқотларига раҳм қилиш ва саховатли бўлишдан яхшироқ йўл йўқдир.

*Аллоҳга дуо қилганингда ниятингни чин дилдан ва соф қилгин.

*Ҳикмат – бу руҳнинг ҳаётидир.

*Одамлардаги нарсаларга ҳасад қилма, уларнинг бу нарсалар билан роҳатланиши жуда ҳам қисқадир.

*Кишини ҳеч нарса бой қилиб қўя олмайди, қачонки у энг кам эҳтиёжидан кўпроғини талаб қиладиган бўлса.

 

Доктор Шавқий Абу Халил,

«Қуръон харитаси»,

Ғиёсиддин Юсуф таржимаси.

Мавзуга оид мақолалар
Ассалaму алайкум ва раҳматуллоҳи ва барокатуҳ. Биз, кореяликлар, ҳазратнинг вафотлари муносабати билан таъзия изҳор этамиз. Қуруқ бўлмасин дея арзимас бир кичик давоми...

19:44 / 02.02.2017 4598
Канаданинг Эдмон шаҳри Ички Ишлар Бошқармаси АҚШлик  мусулмон аёлга полиция офицери лавозимини  таклиф қилди. Сабаби, ўзи туғилиб ўсган АҚШнинг Огайо штатида давоми...

02:16 / 06.02.2017 2671
Ёшларни мафкуравий хуружлардан ҳимоя қилиш        Аллоҳ таоло инсонларни бирбирига масъул қилиб яратган. Отаона фарзандига, устоз шогирдига, эркак киши аҳлига, давоми...

06:59 / 16.03.2017 1462