“MUSLIMAAT.UZ” АЁЛ-ҚИЗЛАР САЙТИДА АЖОЙИБ МАВЛИД ТАДБИРИ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун 2 декабрь 2018 йил санасида Расулуллоҳ соллаллоҳу алайҳи васалламнинг туғилган ойлари муносабати билан “muslimaat.uz” аёл-қизлар сайти ходималари томонидан “Набийга салавот айтинг!” номли мавлид тадбири бўлиб ўтди. Тадбирга Шайх Муҳаммад Содиқ Муҳаммад Юсуф раҳимаҳуллоҳнинг завжалари, Имоил Муҳаммад Юсуф ва Одинахон Муҳаммад Содиқнинг оналари Фотимахон ая Исмоил Махдум қизлари, Ўзбекистон мусулмонлар идораси аёллар билан ишлаш бўлими ходималари Марямхон Абдуллаева ва Мунирахон Абубакирова, Тошкент Ислом институтидан Зилолахон Суярова, "Хадичаи Кубро" аёл-қизлар ўрта махсус Ислом билим юрти катта мударрисаси Пошшахон Эшонхон қизи, шунингдек, “muslimaat.uz” аёл-қизлар сайти ходималарининг яқинлари ва бошқа ҳурматли меҳмонлар ташриф буюришди. Мавлид тадбири, анъанага кўра, “2018 йил – Республика Қуръон мусобақаси” ҳифз йўналиши совриндори Барно Абдуазимова томонидан Қуръон тиловати билан очиб берилди.  Гўзал дуодан сўнг сайт ходимлари ижросидаги Имом Жаъфар Барзанжийнинг мавлид асарларидан намуналар ҳам араб тилида, ҳам ўзбек тилида тингланди. Кейин эса болалар қалбига Расулуллоҳ соллаллоҳу алайҳи васалламнинг муҳаббатларини қандай экиш ҳақида ҳикоя қилувчи видео-ролик йиғилганларга тақдим этилди. Меҳмонлар билан уюштирилган саодат асрига оид воқеликларни ифодаловчи савол-жавоблар, табиийки, ҳаммани янада жонлантирди ҳамда билимлар даражаси ошишига ҳисса қўшди. Сўнг Одинахон Муҳаммад Содиқ қаламига мансуб “Табассум” номли дил кечинмаларига ишланган видео-ролик яна бир бор томошабинларга бу ажиб суннатнинг нақадар қадри улуғлигини билдирди. Мавлид ойи муносабати билан “Facebook” ижтимоий тармоғининг “Bintu Sodiq” саҳифаси ва телеграм каналларида ҳамда “muslimaat.uz” сайти, муслималар форумида ўтказилган мусобақалар ғолибларини тақдирлаш учун сўз навбати масъуллар Ғиёсиддин Муҳаммад Юсуф ҳамда Оишахон Ҳусановаларга берилди. Совғаларни ғолибаларга Фотимахон ая Исмоил Махдум қизлари топширдилар. Кейин даврага “muslimaat.uz” сайти раҳбари Одинахон Муҳаммад Содиқ таклиф қилинди. Олиманинг дил сўзлари йиғилганларни тўлқинлантирди ва кўзларни намлантирди. “muslimaat.uz” сайтининг жажжи қизчалари ва ходималари томонидан ижро этилган салавоту нашидлар тадбирга янада файз қўшди. Йиғилганлар тадбирдан кўтаринки кайфият ва кичик совғалар билан уйларига қайтдилар.

[gallery columns="2" link="file" size="medium" ids="33919,33920,33921,33923,33924,33925,33926,33927,33928,33929"]

 

muslimaat.uz

Мавзуга оид мақолалар
Инсон бошига ғамташвиш тушган вақтларда доимо зикрда бўлиб, Аллоҳдан мадад сўраши лозим. Қуйида бериладиган зикрлар ғамингизни енгиллаштиради ва нажотга олиб давоми...

10:17 / 17.02.2017 1958
Бисмиллаҳир роҳманир роҳим. Ассалому алайкум ва раҳматуллоҳи ва барокатуҳ Муҳтарама опа сингиллар, биз кеча сиз билан бугунги кун ёшлари, уларнинг ахлоқию давоми...

21:38 / 08.02.2017 1247
Ассалому алайкум ва раҳматуллоҳи ва барокатуҳ Шаъбон ойи дўстларга муборак бўлсин Ўзи бизга ҳайрбаракани, омонликни, гўзал ибодат ва Ўзи рози бўладиган давоми...

23:31 / 23.12.2016 1562
Фарз. Шариат жазм ила, шубҳасиз ва қатъий далил билан талаб қилган иш фарздир. Мисол учун Намоз, рўза, закот ва ҳаж кабилар. Фарз амални қилиш лозим ва давоми...

02:28 / 21.04.2017 1135