Айбли ҳолдаги ҳомилани тушириб юбориш ҳақида
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аллоҳнинг Ўзига ҳамдлар бўлсин! Ортларидан Набий йўқ Зотга салавотлар бўлсин!

Ислом Фиқҳи Академияси Маккаи Мукаррамада, Робитанинг биносида, 1410 ҳижрий санада 15–22 Ражаб (1990 йил, 10 – 17 февраль) кунлари бўлиб ўтган ўн иккинчи мажлисида «Айбли ҳолдаги ҳомилани тушириб юбориш ҳақидаги» масалани кўриб чиқди.

 Муноқаша ва фикр алмашувлардан кейин Ислом Фиқҳи Академияси бир овоздан қуйидаги қарорларни қабул қилди:

Агар ҳомила бир юз йигирма кунлик бўлган бўлса, уни тушириб юбориш жоиз эмас. Тиббий ташхис унинг айбли яралганини қайд этган бўлса ҳам.

Фақатгина ишончли мутахассис табиблардан ташкил топган тиббий гуруҳ ҳомиланинг қолишида онанинг ҳаётига муқаррар хатар борлигига қарор қилсагина, уни тушириб юбориш жоиз. Бунда икки зарардан каттасини даф қилиш бор.

Агар ишончли мутахассис табиблардан ташкил топган тиббий гуруҳ жиҳозлар ва таҳлил йўллари ила ҳомиланинг хатарли айблари борлигини, уни даволаб бўлмаслигини, у ўз вақтида туғилса, ҳаёти ёмон бўлишини ўзига ҳам, ота-онасига ҳам дарду алам бўлиши аниқласагина, ота-онанинг талаби асосида уни тушириб юбориш жоиз бўлади.

Мажлис бу қарорни қабул қилар экан, табиб ва ота-оналарга бу масалада Аллоҳга тақво қилишни ва бу ишда аниқлик билан ҳаракат қилишни тавсия қилади.

Тавфиқ берувчи Аллоҳнинг Ўзидир.

Кифоя китобидан
3 жуз
Мавзуга оид мақолалар
Қизғин тарзда ўтаётган ҳадис мусобақасида тушлик ва жума намози сабабли танаффус эълон қилинди. Шу давоми...

17:51 / 04.05.2018 3310
Рамазоннинг менинг ҳаётимга таъсири. Ассалому алайкум ва раҳматуллоҳи ва барокатуҳ. Бутун мавжудотни давоми...

10:59 / 07.03.2017 4408
Биз қанчадан қанча вақтимизни зое қилишимизни билиш учун салафи солиҳнинг вақтни тежашга бўлган давоми...

10:49 / 01.02.2017 6021
                                              7. Маърифатнинг дарёси шайх Муҳаммад Содиқдир, Мўминларнинг пешвоси давоми...

12:30 / 09.02.2017 4143