Чақалоққа айтиладиган азоннинг ҳикмати
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Чақалоққа айтиладиган азоннинг ҳикмати, тартиби, йўл-йўриқлари ҳақида маълумот берсангиз.

Янги туғилган гўдак фарзанднинг ўнг қулоғига намозда айтиладиган азонни, чап қулоғига намозда айтиладиган такбирни айтиш шариатда бор,бу нарса – ота-онанинг фарзанд олдидаги бурчи. Бу ишни Пайғамбаримиз соллаллоҳу алайҳи васалламнинг ўзлари қилганлар.

Улуғ мухаддисларимиз ривоят қиладиларки саҳобаи киромлар айтадилар: «Биз Расулуллоҳ соллаллоҳу алайҳи васалламнинг Фотиманинг ўғли Ҳасаннинг қулоғига намозга айтиладиган азонни айтаётганларини кўрдик, эшитдик». Бу ишда, яъни янги туғилган гўдак фарзанднинг ўнг қулоғига азон, чап қулоғига такбир айтишда улуғ бир ҳикмат бор, буюк бир рамз бор. У ҳам бўлса бу бола энди туғилди, ҳали унинг қулоғига турли овозлар киргани йўқ. Биринчи қулоғига кирадиган овоз Аллоҳ Акбар бўлсин, шаҳодат калималари бўлсин, илоҳий мадҳия бўлсин, токи бу фарзанд умри давомида фақат яхши сўзларни, гўзал овозларни, илоҳий маъноларни эшитиб юрсин деган умиддир. Ана шу маънода шариатимизда янги туғилган фарзандларга азон ва такбир айттириш жорий қилинган. Буни жуда бир қаттиқ шарт шароити йўқ. Шу азон, такбир айтишни биладиган, иложи бўлса ибодатли, дуогўй бир инсон азон ва такбирни айтиб қўйса бўлди. Осон ва содда бир ҳолатда юзага келади, иншааллоҳ яхшиликка хайр, баракага сабаб бўлади.

Мавзуга оид мақолалар
Аллоҳ таоло  «Уларни ўз оталари номи билан чақиринглар. Ана шу Аллоҳнинг наздида тўғридир. Агар оталарини билмасангиз, улар сизнинг дин қардошларингиз ва давоми...

09:42 / 17.11.2016 3445
Сайтимизнинг азиз мухлис ва мухлисалари Сизни қизиқтирган саволларга сайтимизнинг «Педагог маслаҳатлари» бўлими остида Арофат Сайдуллаевна жавоб давоми...

02:17 / 11.03.2017 2703
 Аёл зотини иффату латофат тимсоли этиб яратиб, унинг ушбу аслиятини асрабавайлаш ҳамда уларни жаннатнинг ҳурлари этиш учун самовий таълимотларини ер узра давоми...

03:33 / 04.12.2018 1632