Саудия Арабистони тақиқланган исмлар рўйхатини эълон қилди
Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Саудия Ички Ишлар Вазирлиги 50 та исмни тақиқлаб қўйди. Улар орасида хорижий келиб чиқишга эга бўлган исмлар, қироллик оиласи билан боғлиқ исмлар ва куфрга олиб боради деб ҳисобланган исмлар бор. Хусусан, Саудия Арабистонида чақалоқларга Амир, Малак, Малик каби исмларни қўйиш ман этилади. Бундан ташқари, тақиқ араблар орасида машҳур бўлган Линда, Элис, Сенди, Лорин, Арам каби ўнлаб хорижий исмларни ҳам ўз ичига олади. Баҳрайнда ҳам ота-оналарга фарзандларини баъзи бир исмлар билан номлашлари расман тақиқланиши мумкин. Қонун чиқарувчилар аллақачон мазкур қонун лойиҳаси устида ишламоқда. Мазкур тақиқдан кўзланган мақсад болаларни руҳан ноқулайлик келтирадиган ёки динга тўғри келмайдиган исмлардан эҳтиёт қилишдир.
«islam.ru» сайтидан олинди.
