Оқ рўмол қизлар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Завол балқиб уммонимда, наҳримда,

Шарму ҳаё танқис бўлган давримда,

Оқ рўмоллар пайдо бўлди шаҳримда,

 Ҳайрон этиб кўникмаган кўзларни.

 

Бунча очиқ, бунча беҳаё дунё,

Алар уч... тўрт... алар ҳозирча танҳо,

Фаришталар ташлаб кетдимикан ё

Тун чоғида танлаб тоза қизларни?

 

Шунча йиллар фақат офат келдими?

Оқ рўмоллар бирлан иффат келдими?

Юртдан кетган ул латофат келдими?

Не қалтироқ, босди ногоҳ тизларни?

 

Хаёлларим менинг ғамдан қорарди,

Кўксимдаги доғлар илдиз ёрарди,

Бир муслима ҳаётимга қарарди,

Ҳижоб ичра айтолмай бир сўзларни.

 

Келгусидир, кетгусидир шамоллар,

Пок бўлсинлар бундан кейин аъмоллар,

Қандай гўзал кўрингай оқ рўмоллар

Беркитганда, айниқса, оқ юзларни.

 ***

 Ўтиб туринг кўчамдан гоҳ-гоҳ,

Кўнгил яйрар кўрганим сари.

Эй гулбадан, эй кийикнигоҳ,

Ўзбекойим набиралари —

Ойдин қизлар, ойжамол қизлар,

Ойдан тушган оқ рўмол қизлар!..

 

Ерданми ё кўкдан сўрайми,

Пойингизда жоним берайми?

Сизни шундай кўриб қувончдан

Ёрилмаган юрак — юракми?..

Ойдин қизлар, ойжамол қизлар,

Ойдан тушган оқ рўмол қизлар.

 

Қонимда-ку абад-азалсиз,

Аммо ёддан чиққан ғазал —сиз.

Дарёларнинг ортида қолган

Афсонавий Тожимаҳалсиз.

Ойдин қизлар, ойжамол қизлар,

Ойдан тушган оқ рўмол қизлар.

 

Юрса йўлга ёғдулар изи,

Париларга орзулар изи.

Сиз — онамнинг ёришган юзи,

Сиз — отамнинг йўқотган қизи...

Ойдин қизлар, ойжамол қизлар,

Ойдан тушган оқ рўмол қизлар.

 

Ўсма ўпган қошми бу зулук,

Бунча поксиз, бунчалар суюк?

Сиз борсизки, муҳаббат ҳам бор,

Сиз борсизки, Муҳаммад буюк.

Ойдин қизлар, ойжамол қизлар,

Ойдан тушган оқ рўмол қизлар.

 

Ўзбекистон халқ шоири Муҳаммад Юсуф

Мавзуга оид мақолалар
Қадимги Хитойда турмушга чиққан қиз эрининг уйида яшаб, унга ва унинг онасига хизмат қилиши керак эди. Шундай урфодатларга мувофиқ турмуш ўртоғининг хонадонида давоми...

01:23 / 30.11.2016 5780
Масаллиқлар Хамирига 150 г «ОНА» маргарини 1 дона тухум 300 г сметана 22,5 стакан ун 1 чой қошиқ туз 1 ошқошиқ шакар Яна Мол гўшти, пиёз ва картошкадан давоми...

07:33 / 09.12.2016 3160
Австралиянинг йирик банкларидан бири ўз ходимларининг дресскодига кийиниш меъёрлари ўзгартиришлар киритди.  Муассасада шариат аҳкомларига риоя қилувчи бир давоми...

06:29 / 14.03.2017 3577
Абдулла Орипов «Шайх Муҳаммад Содиқ жаноблари юзикки юз йилда бир келадиган инсонлардан эдилар». Жорий йилнинг 30 июль шанба куни «Ҳилол нашр» матбаасига давоми...

23:58 / 10.03.2017 3472