Фарзанд - бебаҳо неъмат!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

    Бир неча йиллар олдин, ҳомиладор бўлган қўшнимизнинг аёли «Фарзанди дунёга келгач, уни фарзандсиз дугонасига берар экан», дейилганини эшитиб қолдим. Дугонаси эса қўшнимизга «Ласетти» русумли автомобил берар экан. Албатта, бу «келишув»ни савдо каби тушуниб бўлмайди. Зеро, фарзанд бебаҳо неъматдир. Уни ҳар қанча маблағ ёки бошқа моддий нарсалар эвазига алмашиб бўлмайди. Бу ерда қўшнимиз тирноққа зор бўлган бир дугонасига яхшилик қилиш учун унга бола туғиб беришни ўйлаган, деб ўйлайман. Улар ҳам ўз навбатида бу улкан яхшиликка миннатдорчилик сифатида арзимас бўлса-да, ҳадяни ният қилгандирлар. Қолаверса, ўшанда қўшнимизнинг битта машинаси ҳам бор эди.

Орадан кунлар ўтди, балки, ойлар ўтгандир, вақти соати келиб, кутилган фарзанд дунёга келди. Ширингина қизалоқ. Онаси уни тўққиз ой бағрида олиб юриб, энди ёруғ дунёга келтирганда, наҳотки, бошқага бериб юбора олса?! Жажжи фарзанди энди бошқа бировни отам деб, онам деб ўсадими?! Улар боласига ҳақиқий ота-онасидек бўла олармиканлар?!... Ахир яқин дугонаси-ку, ишончли кишилар, улар билан борди-келди қилиб туришади. Кейинчалик ҳам истаган вақти фарзандини кўра олади. Қолаверса, дугонаси бефарзанд бўлса, уларнинг уйига фарзанди билан бирга қувонч кириб боради, бир оиланинг бахтиёрлигига сабаб бўлиш, уларни бир ташвишдан халос бўлишларига сабаб бўлиш, катта савоб бўлади, иншааллоҳ...

Қўшнимнинг ҳозирда иккита машинаси бор, лекин иккинчисини ҳам ўзи сотиб олган.

Буларнинг ҳаммасини бизникига ўйнагани келган қўшнимнинг қизалоғини кўриб, эсладим...

Ғиёсиддин

Мавзуга оид мақолалар
У Зотнинг сенга эҳсони бор бўла туриб, Унга ёмонлигинг давом этиши сени астасекин олиш бўлишидан давоми...

18:16 / 24.04.2019 5132
Шариат сўзи луғатда «изҳор қилмоқ, баён этмоқ, йўл» маъносида бўлиб, «тўғри йўл, илоҳий йўл, қонунчилик»ни давоми...

12:24 / 21.04.2017 5642
Давра суҳбатида инсон саломатлигини сақлаш, касалликнинг олдини олиш ва уни даволаш, Исломда инсон давоми...

16:20 / 23.12.2016 4362
Фарзанд тилаб, қабристонга бориб, шайхига «ниёз» қилиш, яъни ундан дуо сўраб, «Фарзанд кўрсак, шу ерда эҳсон давоми...

19:53 / 20.11.2016 3371