Деярли етти йил аввал кўз нурини йўқотган Суданлик кекса аёлнинг айтишича, у Саудия Арабистонига ҳаж амалларини бажариш учун келиб, бир неча кундан сўнг кўра бошлаган. Фотима Ал Малхининг сўзларига қараганда, ватанида қилинган бир нечта жарроҳликлар унга ёрдам бера олмаган, шунга қарамай, у кўриш қобилиятининг қайтишига бўлган умидини йўқотмаган. «Мен Саудия Арабистонига ҳажга борганимда яна кўра олишимга умид қилгандим», дейди у.«Мен масжидда бир неча кунимни ўтказдим. Яратганга дуо қилиб саломатлигимни сўрадим», деб сўзлайди у Саудиянинг «Okza» кундалик нашрига. «Мўъжиза рўй берди: мен катта масжиднинг бурчагида ўтиргандим. Бирдан кўз олдимдаги қоронғулик ғойиб бўлди ва мен кўра бошладим! Нима бўлаётгани (бўлаётган ишлар)га ишонгим келмасди. Охирги етти йил ичида илк бор ўғлимни кўришга мушарраф бўлдим. Энди мен бошқаларнинг ёрдамисиз ҳам ҳаракатлана оламан».