Декабрь ойида Францияда қори ва қориялар мусобақаси бўлиб ўтиши кўзда тутилмоқда. «Abna.co» нинг хабар беришича, мусобақа «Дар-ал- атария» Ислом нашриёти томонидан ташкил қилинади. Қуръон мусобақасининг илк босқичи қироат, ўнтагача сурани ёдлаш, ўттизинчи порани ёдлаш, беш порани ёдлаш, ўн беш порани ёдлаш, Қуръони каримнинг ярмини ва тўлиқ ёдлашдан иборат номинацияларда ўтказилади. Париж ва шаҳар атрофида турувчи мусулмонлар қатнашиш учун ўз аризаларини бевосита Парижнинг марказий масжидига топширишлари мумкин. Бошқа шаҳарда турувчилар эса интернет орқали ёзилишлари мумкин. Аризалар топшириш муддати 31 декабргача. Саралаш мусобақасининг якуний босқичлари ноябрь ойининг охири, декабрь ойининг бошларида Париж масжидларининг бирида бўлиб ўтади. Ҳар бир номинация ғолиблари ҳаж ва умра зиёратларига йўлланма билан тақдирланадилар.