Налчик (Россия)да Қуръондан цитаталар келтирилган баннерлар ўрнатилди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Қабардин-Балқар марказининг кўчаларида реклама баннерлари ўрнига Пайғамбар Муҳаммад алайҳиссалом ҳадисларидан ва Қуръондан цитаталар пайдо бўлди. Бу хилдаги баннерлар ўрнатиш ғояси Қабардин-Балқар Мусулмонлар Диний Бошқармасига тегишли. Барча конструкциялар (асбоб-ускуналар, жиҳозлар) диндорлар ҳисобига қопланган.

Биринчи оч яшил баннер, бир ой илгари марказнинг «Искож» кичик даҳасида, «Родина» кинотеатри ёнида пайдо бўлди. У ерда, Пайғамбар Муҳаммад соллаллоҳу алайҳи васаллам дейдилар: «Жаннат оналар оёғи остидадир», деган ёзув бор. Реклама баннерларида мебелларни, автомобиллар ва шунга ўхшаш нарсаларни кўришга ўрганган ўткинчилар баннерни қизиқиш билан кузатдилар ва ёзувни қайта-қайта ўқий бошладилар. Мусулмонлар Диний Бошқармаси маълумотига кўра, ушбу амалиёт марказнинг бошқа ҳудудларида ҳам қўлланаётир. Мусулмонлар Диний Бошқармаси раиси ўринбосари Алим Сижажев хабарига кўра, баннерлар диндорлар ҳисобига тайёрланган, уларнинг умумий сони шаҳарда 6 та бўлиб, 5 таси ўрнатилиб бўлинди. Баннер ўрнатишга жойни ижарага олиш учун Налчик реклама агентлиги билан 1 йилга шартнома тузилди. Пайғамбар соллаллоҳу алайҳи васаллам сўзларини ва Қуръондан келтирилган цитаталарни ўрнатиш учун ҳам ўткинчилар, ҳам жамоат транспорти йўловчилари, ҳам шахсий автомобил ҳайдовчилари кўриши учун қайноқ ҳаракатда бўлган, кўпчилик одамлар билан гавжум бўлган кўчалар танланди. Шаҳар маъмурияти хизматчиси Заурбек Шомирзаев таъкидлашича, баннерларни безаш, уларни таъминлаш ишлари бўйича шаҳар маъмурияти билан ҳеч ким келишмайди. Лавҳаларни хусусий реклама агентлиги тайёрлайди. Бинобарин, маъмурият хизматчи-ходимлари доимо шаҳарни айланиб туришади ва баннерларни кўриб туришади. Умуман доимий назоратда бўлишади. Шунингдек, шаҳар кўчаларида ҳеч қандай экстремизм, тажовузкорлик пайдо бўлиши мумкин эмас. Баннерларни ўрнатишда лойиҳа ташкилотчилари ушбу цитаталарни танлашган: «Баҳаққо, Яратган ҳалимликни севади», «Ҳақиқатан мусулмон идеал (юксак тимсол) бўла олмайди, Ислом идеалдир – адашманглар!», «Аллоҳ одамларга азоб берганни азоблайди», шунингдек, «Сен бугун табасссум қилдингми? Табассум қилиш ― суннат амалдир», «Ота-она рози ― Аллоҳ рози, уларнинг норозилиги ― Аллоҳ ғазаби» каби баннерлар бор. Эслатма: Юқоридаги баннерлар барчаси рус тилида берилган.

Smart Newsдан олинди. Муслима Робиъа тайёрлади.

Мавзуга оид мақолалар
Саҳл ибн Ҳанзаладан ривоят қилинади «У бефарзанд эди ва «Агар Исломда турганимда бир болам чала туғилиб, яшамаса, бунга сабр қилишим дунёдаги ва унинг ичидаги давоми...

00:50 / 05.11.2017 1941
Бисмиллаҳир роҳманир роҳим. Алҳамдулиллаҳи роббил аъламин. Вассолату вассаламу аъла хойри холқиҳи Муҳаммад ва аъла алиҳи ва асҳабиҳи ажмаиъин. Ассаламу давоми...

08:57 / 05.02.2017 5318
Сувайбани озод қилиш қиссаси  Ҳадис ва сийрат олимлари китобларида Абу Лаҳабга Пайғамбаримиз соллаллоҳу алайҳи васалламнинг туғилганликлари ҳақида хабар етиб давоми...

03:30 / 31.01.2017 2323
Қуръони карим қироатининг учта даражаси бўлиб улар Таҳқиқ, ҳадр ва тадвирдир. Таҳқиқ Жуда секин ва хотиржам ҳолда тажвид аҳкомларига риоя қилиб тадаббур билан давоми...

09:03 / 23.10.2016 1814