Натальянинг мактуби
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

  Ассалому алайкум ва раҳматуллоҳи ва барокатуҳ!

 Яқиндагина ишдан қайтдим ва бир-икки сатр бўлса-да ёзишга қарор қилдим. Кеча ёзадиган аҳволда эмас эдим. Ишдан кайтиб, ҳаттоки компьютерни ёқмадим. Шайхимизнинг ҳақларига дуо қилдим! Ҳаммамизнинг ҳаққимизга дуо қилдим!

 Кейин ухлашга ҳаракат қилдим-у, лекин бунинг уддасидан чиқишим қийин бўлди. Мусулмонлар қаттиқ мусибатга дучор бўлдилар ва надомат чекмоқдалар. Ҳеч бир сўз, ҳеч бир туйғу бугунги бизнинг ҳиссиётларимизни ифодалаб беролмайди. Аммо қанчалик қийин ва аламли бўлмасин, менимча,  Парвардигори олам кўрсатган йўлда, Шайхимизнинг улуғ хотираларини сақлаган ҳолда давом этишимиз керак.

У кишининг ёзиб қолдирган китобларини ўқиб, ўрганиб, қолганларга тушунарли бўладиган ҳолда таржима қилиб етказишимиз даркор. Токи иложи борича кўпроқ одамлар бундан манфаат олсинлар, эътиқодларини мустаҳкамласинлар. Чунки бизнинг эътиқодимиз бугунги кунда камайиб бораётган кўнгил  хотиржамлигини таъминловчи асосдир. Ўйлайманки, бу бизнинг Яратувчимизга қилган шукронамиз ва Шайхимиз ҳақларига қилган илтижойимиз бўлади!

 Биламан, ҳозир ҳаммамизни қўрқув ҳамда алам қамраб олган. Мен фақатгина руҳан тушкунликка тушмасликка ва аксинча, ўзимга ўзим далда беришга ҳаракат қиляпман. Токи муҳтарам Устозимизнинг улкан меҳнатлари нафақат ўзимизга фойдали бўлиб қолмасдан, балки шахсан намуна бўлиб, мусулмонлар – тинчликсевар, раҳимдил, самимий, Яратгувчини севувчи ҳамда Унинг учун бу дунёни севувчи инсонлар эканларини кўрсатишдир!

Сиз ёзинг! Мен эса қўлимдан келганча ёрдам беришга тайёрман ва ишонаманки, бу бир тарафлама эмас. Тинчлик, яхшилик ҳамда соғлик-саломатлик доимий ҳамроҳингиз бўлсин. 

Сиз ва яқинларингизга ҳурмат ила Наталья.

 

 

   
Мавзуга оид мақолалар
gallery linkfile sizelarge ids28735,28734,28736 orderbyrand Муборак Рамазони шариф муносабати билан Бисмиллаҳир роҳманир роҳим. Аллоҳ таолога ҳамду санолар ва Пайғамбаримиз Муҳаммад давоми...

01:18 / 01.06.2017 3778
ЮРАККА ЙЎЛ Ўн еттинчи мактуб Мен сочиб кетаман кўҳна бағрингга, ўлмас ғояларнинг уруғларини. Шавкат РАҲМОН Ассалому алайкум Саломатмисиз Ҳар кун биттадан давоми...

07:53 / 27.04.2017 2918
Бугун Узэкспомарказда Ахборот ва оммавий коммуникациялар агентлиги томонидан ташкил этилган «TASHKENT BOOK FEST 2019» I Тошкент Халқаро китоб кўргазмаярмаркаси ўз ишини давоми...

10:51 / 02.10.2019 1638