Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Trend» агентлигининг хабар беришича, Грузиянинг Самтацкаро қишлоғида маҳаллий аҳоли мусулмонларга жума намозига йиғилишни тақиқлагани муносабати билан журналистлар берган саволига, «Констутицияга мувофиқ барча озчиликни ташкил этувчилар ҳам ўз диний маросимларини ўтказиш ҳуқуқига эгадирлар», деди Грузия бош вазири Бидзина Иванишвили.

«Аввало Самтацкаро аҳолисига мурожаат қилиб айтмоқчиманки, қонунга амал қилишсин. Ўзаро музокаралар йўли билан биз маҳаллий мусулмонларга ўз ибодатларини бажаришга имконият яратилишига эришамиз. Бироқ биз буни музокаралар йўли билан уддалай олмасак, қонуннинг кучини ишлатишимизга тўғри келади», деб агентлик Бош вазир сўзларидаги иқтибосни якунлайди.

«islam.ru» сайтидан олинди.