«Замонамиз Бухорийси» бу дунёни тарк этдилар
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун интернет тармоқларида эълон қилинган ушбу воқеа бутун Ислом оламини ва мусулмонларни ларзага солди. «Замонамиз Бухорийси» номини олган фазилатли шайх Муҳаммад Содиқ Муҳаммад Юсуф ҳазратлари барчанинг қалбини ҳувиллатиб кетдилар.

Бу хабарни эшитган пайтимиз Расулуллоҳ соллаллоҳу алайҳи васаллам вафот этганларида саҳобалар қай аҳволга тушганини, Ҳазрати Умарнинг қилич кўтариб «Ким Расулуллоҳ ўлди деса, ўшанинг калласини оламан» деб талвасага тушиб қолганларини ҳис қилдик.

Расулуллоҳ соллаллоҳу алайҳи васаллам ўз ҳадиси шарифларида, албатта, Аллоҳ ушбу умматга ҳар юз йилда унинг динини янгилайдиган шахсни юборади, дегандилар. Шайх Муҳаммад Содиқ Муҳаммад Юсуф ҳазратлари ана шундай юз йилда бир юбориладиган шахслардан бири эдилар.

Биз «muslimaat.uz» сайти учун ҳам бу мусибат улкандир. Чунки Шайх Муҳаммад Содиқ Муҳаммад Юсуф ҳазратлари ўзларининг юксак эҳтиромлари ва эътиборлари билан ҳар бир қилаётган ишларимизни қўллаб-қувватлар ва доимо фаол бўлишга, ушбу йўлда ихлос билан ҳаракат қилишга, момоларимиздан мерос қолган илм олиш ва илмни тарқатиш йўлидаги ғайратга, жасоратга соҳиба бўлишимизни таъкидлар эдилар.

Биз, муслималар шундай буюк зотнинг ҳаққимизга ва иш фаолиятимиз ривожига қиладиган дуоларидан кесилганимизга маҳзунмиз.

Биз, муслималар бу улуғ зотнинг юксак эҳтиромлари ва эътиборларидан мосуво бўлганимиздан маҳзунмиз.

Биз, муслималар доимо тадбир ва байрамларимизда тўримизда ўтириб, унга файз бағишлайдиган нурли зотдан айрилганимизга маҳзунмиз.

Албатта, кўз ёш тўкади, қалб маҳзун бўлади, лекин биз Аллоҳнинг айтганига рози бўламиз.

Эй Аллоҳ, Шайх Муҳаммад Содиқ Муҳаммад Юсуф ҳазратларига буюк муҳаббати бўлган барча қалбларга Ўзинг сабри салвон бергин. Шайх ҳазратларини Ўзинг раҳматингга олгин.

Аллоҳумма ажирна фий мусийбатина вахлуфли хойром минҳа!

Muslimaat.uz

Мавзуга оид мақолалар
Суннатга хос тарбия Соғлом ва оқила аёл оиласининг фахри, жуфтининг умр зиёси, фарзандаларининг муҳтарам онаси бўла олади. Юртимизда мустақилликнинг илк давоми...

10:37 / 19.03.2017 1777
 Словения Президенти Ильинка Баратосак Словенияда қуриладиган биринчи масжид ҳақида хабар берди. 2016 йилгача қуриб мусулмонларга топширилиши режалаштирилган давоми...

07:08 / 21.01.2017 1201
Кунларнинг бирида бир подшоҳ учта вазирини ҳузурига чорлаб, улардан ғаройиб ишни талаб қилибди. Яъни ҳар бир вазирдан биттадан идиш олиб, қасрнинг боғига бориб, давоми...

01:38 / 05.03.2017 3188
Бир куни турмуш ўртоғим уйга шошиб кириб «Телефонингни бер, қўшнига сотиб, бошқа яхшисини олиб бераман» деб қолдилар. «Майли», дея у кишига оппоқ қўл телефонимни давоми...

23:25 / 12.04.2017 2450