Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Грузия Мусулмонлар идораси қошида «Мусулмон аёллар жамияти» ташкил этилди, деб хабар қилади Кавказ онлайн. Грузия Мусулмонлар идораси раиси ҳожи Рамин Игидовнинг айтишича, «Мусулмон аёллар жамияти» мамлакатдаги турли аёллар ташкилотлари ва Грузия Мусулмонлар идораси ўртасидаги амалий ишларни йўлга қўйишга ёрдам беради.
Мамлакатдаги аёллар ташкилотлари ижтимоий, маданий, диний соҳаларда иш юритиб, турли тадбирлар ўтказиб туради. Шунингдек, «Мусулмон аёллар жамияти» оила ва аёлларга хос масалаларда ҳам иш олиб боради. Бу масалаларга эса тарбиявий ҳамда диний нуқтаи назардан ёндашилади. Жамиятга диний илми бўлган 15 та аёл аъзо бўлган.
Интернет материалларидан олинди.
