Тикан
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир вақтлар бир шаҳарда жиноятчиларни оч қолган шерларга талатиб, ваҳшийларча жазолаш усули бўлган экан. Одамлар йиғилиб, шу жазонинг берилишини биргаликда томоша қилишар экан. Бир куни эгасидан қочиб кетган қулни жазолагани олиб келишибди. Бечора қулни катта, махсус деворлар билан ўралган бир жойга киргизиб, ўн кун оч қолдирилган бир шерни ўша ерга қўйиб юборишибди.

Югуриб кирган шер тўсатдан тўхтаб қолибди. Кейин қулнинг ёнига келиб, унинг қўлларини ялай бошлабди, унга суйкалиб, эркаланибди. Йиғилганлар буни кўриб ажабланиб, ҳайрон бўлиб қолишибди ва қулдан шер нима учун унга ҳужум қилмаганини сўрашибди. Шунда қул жазо бераётган кишиларга ва одамларга қараб шундай дебди: «Анча аввал мен бу шерга ўрмонда йўлиқиб қолдим. Унинг оёғига учли, катта бир тикан кириб қолиб, уни роса азоблаётган экан. Мен унга ёрдам бердим, ундан тиканни олиб ташладим, шундан бери биз дўст бўлиб қолганмиз». Одамларга қулнинг бу ҳикояси жудаям таъсир қилди. Улар қул билан шерни биргаликда озод қилдилар. Қизиғи шер қулга ҳудди унинг мушугидек эргашиб келар эди. Пайғамбаримиз соллаллоҳу алайҳи васалламнинг ушбу ҳадиси-шарифлари бу воқеанинг сабабини яққол ойдинлаштириб беради. У Зот шундай деганлар: «Раҳим қилувчиларга Раҳимдил Аллоҳ раҳим қилади. Ер аҳлига раҳим қилинг, осмондаги Зот сизга раҳим қилади».

Термизий ривоят қилган
Мавзуга оид мақолалар
Бисмиллаҳир Роҳманир Роҳим «У «Бу Роббим раҳматидандир. Агар Роббимнинг ваъдаси келса, буни ер баробар қилур. Роббимнинг ваъдаси ҳақдир», деди». Каҳф сураси, давоми...

04:26 / 16.02.2018 1475
  Инсон ҳаёти давомида ўқийди, ўрганади ва уларга амал қилишга ҳаракат қилади. Кимки ўз ўрганганларига амал қилиб бошқаларга ҳам ўргатса, ҳар бир айтган сўзи давоми...

00:47 / 15.03.2017 1211
Ўқувчилар дарсда ўтирган вақтида, қизлардан бири пулини йўқотиб қўйганлигини айтиб қолди. Ўқитувчи хонадан ҳеч ким чиқмаслигини ва ўқувчиларнинг сумкасини давоми...

19:17 / 22.12.2016 906
Охиратда инсонлар ўз умрларини, вақтларини қандай ўтказганлари ҳақида сўраладилар. Албатта, инсонга бу дунёда берилган ҳар бир неъматнинг қиёматда саволжавоби давоми...

07:59 / 14.12.2016 1038