Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум ва раҳматуллоҳи ва барокатуҳ! Шаъбон ойи дўстларга муборак бўлсин ! Ўзи бизга ҳайр-баракани, омонликни, гўзал ибодат ва Ўзи рози бўладиган амалларни адо этишликни насиб этсин. Омин ! Ушбу муборак ой Пайғамбаримиз Муҳаммад cоллаллоҳу алайҳи васалламнинг ойидир. Ушбу ойда кўп саловат айтмоқ лозимдур. Али розияллоҳу анҳудан ривоят қилинади: «Қачон шаъбон ярми кечаси бўлса, унинг кечасини бедор ўтказинглар, кундузининг рўзасини тутинглар, чунки ўшанда Аллоҳ қуёш ботиш пайтида дунё осмонига тушади ва « Қани истиғфор айтувчи борми?» «Мен унга ризқ берурман». «Қани балога учраган борми? Мен унга офият берурман. Фалончи қани, фистончи қани?» дейди. Токи тонг отгунча шундоқ бўлади», дедилар» Шундай экан, диндошим, ушбу онларни ғанимат билмоқ жуда зарур. Эслатма: Бу йил Шаъбоннинг ярми 12 июндан 13 июнга ўтар кечаси.