"Нажот таълим" ўқув марказида учрашув бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун пойтахтимиздаги «Нажот таълим» ўқув марказида  опа-сингилларимиз учун навбатдаги  илмий суҳбат ташкил этилди. Анжуманда устоз Одинахон Муҳаммад Содиқ меҳмон бўлдилар. Улар "Фарзанд тарбиясида  онанинг ўрни ва жамият ривожида хотин- қизларнинг илмли бўлиши"  мавзусида нутқ қилиб, илм аёллар учун қанчалик аҳамиятли  эканига алоҳида тўхталиб ўтдилар.


Тарихдан маълумки, бизнинг улуғ аждодларимиз дунё илму фан бешигини тебратиб келган. Муфассирлар, муҳаддислар, мутасаввуфлар, мутакаллимлар, фақиҳлар, мутафаккирлар, шоирлар ва олиму фузалоларни оналар тарбиялаганини унутмаслигимиз зарур. Пайғамбардек буюк зотларни оналар дунёга келтирган. Она тарбияси фарзанд ҳаётининг келажагини белгилаб берувчи муҳим омиллардан саналади. Ҳаким Термизий, Имом Термизий, Имом Бухорий, Аҳмад Фарғоний, Ал-Хоразмий, Абу Наср Форобий, Абу Ҳафс Кабир Бухорий, Имом Мотуридий, Маҳмуд Замахшарий, Бурҳониддин Марғиноний, Аҳмад Яссавий, Фахриддин Розий, Хожа Абдулхолиқ Ғиждувоний, Хожа Баҳоуддин Нақшбанд, Хожа Алоуддин Аттор, Мавлоно Яъқуб Чархий, Хожа Убайдуллоҳ Аҳрор ва минглаб шу каби улуғ зотларни оналари гўзал тарбия берганлиги баракотидан шуҳрат топишди.

Маъруза давомида устозимиз айни жиҳатларга тўхталиб, бугунда ҳам мамлакатимизда аёл зотининг ҳурмати, эҳтироми ва хотин-қизларнинг турли йўналишларда билим олишларига алоҳида эътибор қаратилаётганини эътироф этдилар. Суҳбат давомида иштирокчилар  ўзларини қизиқтирган саволларга жавоблар олишди.

Тадбир сўнггида  Аллоҳ таолодан оила, фарзанд ва жамият олдида катта масъулият соҳиби бўлган барча муҳтарама оналаримизга, меҳрибон ва садоқатли опа-сингилларимизга мустаҳкам сиҳат-саломатлик беришини ва икки дунё саодатига мушарраф этишини сўраб, дуолар қилинди.


Нилуфар Раимова,

muslimaat.uz мухбири


Муаллиф
Мавзуга оид мақолалар
Саудия Aрабистони пойтахти АрРиёдда Бахтrdquo музейи очилди. Ушбу музей ўз меҳмонлари учун жуда ҳам қизиқарли давоми...

16:28 / 25.09.2020 3280
Ўтган йилнинг ноябрида Мустафо Алптуғ Сўзен метро рельсларига йиқилиб тушган инсонни қутқариб қолган, давоми...

16:53 / 19.06.2019 3343
Рометанга кел, дўстни тутмоқ истасанг.Кел, бошингдин оёқ ясаб, аё дўст,Гар Азизон руҳин шод этмоқ давоми...

03:23 / 28.12.2023 817
.Ва сабрлиларга хушхабар бер. Улар ўзларига мусибат етганда .Албатта, биз Аллоҳникимиз ва албатта, биз Унга давоми...

02:56 / 07.02.2023 1768