Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бир вақтлар мактабларда (бизда эмас) бошланғич синфларда «Одоби муошарат» фани ўқитилган. Хўш, «Одоби муошарат» нима?

«Одоби муошарат», қисқа қилиб айтганда, болаларга инсон бўлишни ўргатадиган фан. Ўша фаннинг баъзи мавзулари қуйидагилар:

Тик туриб овқат ейилмайди ва ичилмайди.

Кишиларнинг олдида қўлларни чўнтакка солиб турилмайди.

Бировларнинг айбини излаб, устидан кулиш мумкин эмас.

Омонатга олинган нарсалар кечиктирилмасдан қайтарилиши керак.

Савдолашилаётганда молни ёмонламаслик керак

Қўнғироқ қилган киши аввал ўзини таништириши лозим.

Жамоат ва гавжум жойларда сақич чайналмайди.

Ҳеч қаерга сигарет чеккан ҳолда кирилмайди.

Йўл ўртасида тўхтаб гаплашиш, одамларнинг йўлини тўсиш мумкин эмас.

Айбларни инсоннинг юзига солинмайди.

Мазах, ёмонлаш ва имо-ишорали сўзлаш мумкин эмас.

Ерга тупурилмайди ва атроф-муҳитни ифлос қилинмайди.

Аксирганда дастрўмол билан оғиз ва бурун беркитилади.

Жамоат жойларида бақириб гаплашилмайди.

Узоқ вақт қолиб кетган меҳмонга алоҳида хона ажратиб турилади.

Овқатга таклиф қилинса, таом кечиктирилмайди.

Биз бугун бу фанга ниҳоятда муҳтожмиз, номини ўзгачароқ қўйиб, қайсидир фан сифатида ўтилаётган бўлиши мумкин. Лекин бу борада уламоларимиздан яхшигина манба, асарлар қолган ва бу фанни аҳли илм устозлар ўтишлари керак. Шундагина таъсирли ва манфаатли бўлади.

 Олимжон Оллоқули