Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бисмиллаҳир роҳманир роҳийм

Азиз юртдошлар, муҳтарама опа-сингиллар!

Мана Қуръон ойи, сабр ойи, ибодат ойи бўлмиш Рамазон ойи ҳам якунланиб,  қалбларимизга сурур бағишлаб, Ийдул Фитр кириб келди. Аввали раҳмат, ўртаси мағфират, ниҳояси эса дўзахдан нажот бўлган Рамазон ойида курраи заминимиз узра   раҳмат нурлари, мағфират нурлари ёғилди, иншааллоҳ.

Аллоҳ таоло бутун дунё мусулмонларига Ийдул Фитр байрамини муборак айласин, бутун оламга тинчлик-хотиржамлик ато этсин, ибодатларимизни даргоҳида қабул этсин, она Ватанимизни  жаннатмакон, халқимизни Ўзининг розилигини топадиган халқлардан қилсин!

Аллоҳ таолонинг амрига бўйсунган, Расуллуллоҳ соллаллоҳу алайҳи васалламнинг суннатларига эргашган ҳолда Рамазон ойининг рўзасини адо этиб, иймонлари сайқалланган барча мўмин-мусулмонларга жаннатнинг Райён дарвозасидан кириш бахти насиб этсин!

Ийдул Фитр барчамизга муборак бўлсин! Байрам шукуҳи хонадонларимизни  асло тарк этмасин!

muslimaat.uz таҳририяти