Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Оиша онамиз розияллоҳу анҳодан ривоят қилинади:
“Расулуллоҳ соллаллоҳу алайҳи васаллам йилнинг ҳеч бир ойида Шаъбондагидек кўп рўза тутмасдилар”.
(Имом Муслим ривояти).
Тобеъин, Куфа шаҳрининг фақиҳларидан бири Ҳабиб ибн Абу Собит Шаъбон ойи кирса: “Бу қориларнинг ойидир”, дер эди.
Набий соллаллоҳу алайҳи васаллам: “Аллоҳ Шаъбоннинг ярмидаги кечада қарайди-да, жамики махлуқотларини мағфират қилади. Фақат мушрик ва хусуматчи мустасно”, дедилар.
(Ибн Ҳиббон, Имом Табароний, Имом Байҳақий ривоят қилишган).
