Андижон вилояти, Булоқбоши туманида юқори синф ўқувчи қизлари билан давра суҳбати бўлиб ўтди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун 9 апрель куни Андижон вилояти, Булоқбоши туманидаги қатор умумий ўрта таълим мактабларида туман бош отинойилари ва юқори синф ўқувчи қизлари билан давра суҳбати бўлиб ўтди.

Жумладан, 2-умумий ўрта таълим мактаби ва 3-умумий ўрта таълим мактабларида Қирғизбой жомеъ масжиди ноиби Тожиддинов Улуғбек сўзга чиқиб, ўқувчи ёшларга асосий талабни: ўқиш, изланиш, ўз билим ва имкониятларини ишга солиб, вақтни беҳуда ўтказмаслик, ота-оналарни эҳтиром қилиш, устозларни қадрига етиш тўғрисида алоҳида тўхталиб ўтди.

Туман отинойилари Мирзаматова Холидахон, Сиддиқова Халимахон сўзга чиқиб,   “Қизлар миллат кўзгуси”, “Қизларнинг гўзаллиги  ҳаёсида ва тарбиясида” мавзуларида суҳбат қилдилар. Ўқувчилар ёшлик чоғидан ҳаётда ўз ўрнини топиш учун илму ҳунар ўрганиш, буюк сиймоларнинг фан йўлида чеккан кўплаб риёзат ва машаққатларини қанчалик чуқур англаса, унинг фан асосларини эгаллашга бўлган матонати шунчалик кучли бўлиши ҳақида тушунтирдилар.

Шунингдек, 43- умумий ўрта таълим мактабида “Ёшларни оилавий ҳаётга тайёрлаш ва анънавий оилавий қадриятларини мустаҳкамлаш” мавзусида,  25-умумий ўрта таълим мактабида Булоқбоши тумани бош отинойиси Умидахон опа билан биргаликда ўқувчиларнинг оналари билан ташкил этилган, "Қизлар тарбиясида оналарнинг масъулияти" мавзусида ҳамда фарзандлар билан муносабатларнинг ўзига хос жиҳатлари ҳақида фикр алмашилди ва оналарга зарурий тавсиялар берилди.

Ушбу давра суҳбатларига меҳмон сифатида таклиф этилган muslimaat.uz сайтининг Булоқбоши тумани вакиласи Адиба Сулаймонова ўқувчи қизлар билан “Китоб инсоннинг энг яқин дўсти” мавзусида фикр мулоҳаза алмашиб, интернет сайтлари, ижтимоий тармоқлардан манфаатли илм ҳосил қилиш мақсадида тўғри фойдаланиш борасида суҳбатлашди.

Суҳбатлар сўнггида ўқувчи ёшларимизни жамиятимиз учун салоҳиятли фуқаро бўлиб етишишлари учун хайрли дуолар қилинди.


muslimaat.uz сайти вакиласи Адиба тайёрлади

Мавзуга оид мақолалар
Давлатимиз раҳбари ҳозирги кунда бутун дунёда катта ташвиш ва хавотир уйғотаётган масалага тўхталиб давоми...

23:09 / 30.10.2023 1499
Muslimaat.uz сайти жамоаси билан онлайн ҳамкорлик қиламан. Куни кеча бўлиб ўтган тадбирда сайт раҳбарияти давоми...

01:16 / 19.08.2023 1261
Aмерика Бирлашган давлатлари фуқароси, психолог Челсеа Лун Соуса Истамбул Муфтийлигига Туркия мусулмон давоми...

17:05 / 11.08.2020 3261
29 октябрь 2018 йил санасида Жўйбори Калон аёлқизлар Ислом билим юртида «Октябрь фиқҳ фани ойлиги» муносабати давоми...

07:02 / 01.11.2018 3994