Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
АҚШ армиясида хизмат қилган биринчи мусулмон аёл Салеҳа Жабин Америка ҳаво кучлари капелланида хизмат қилиш учун дипломини олди. «Битирув маросими 5 февраль куни бўлиб ўтди», дейилади АҚШ ҳаво кучларининг баёнотида.
«Мен эътиқодим юзасидан бирон муросага келишим шарт бўлмади», дейди Жабин.
Мусулмон аёл ушбу имконият учун раҳбариятга миннатдорчилик билдириб, янги лавозимидаги масъулиятини ҳам яхши ҳис қилиб турганини баён этди.
«Мен ҳарбий хизматдошларимга, уларнинг оилаларига маънавий ёрдам бера оламан ва диний ҳамда ахлоқий масалалар бўйича қўмондонларга диним, миллатим ва жинсимдан қатъи назар, маслаҳат беришимда бирон-бир тўсиқ йўқ», дейди у.
Асли ҳиндистонлик Жабин АҚШга 14 йил олдин чет эллик талаба сифатида кўчиб келган.
Манба: islam.ru
