Жаннат йўли оиладан бошланади
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Қуддусда, Мисрда эркаклардек курашаётган аёллар Марям онамиздан намуна олишди. Бугуннинг Марямлари Қуръондан жасоратланиб, “Бутларга вайл, Аллоҳга саждалар бўлсин!” дейишади. Шу боис ҳам Расулуллоҳ соллаллоҳу алайҳи васаллам ерга чўп билан ёзганларида Оиша онамиз билан Марям онамизнинг ҳам исмларини ёзганлар. Қуръони Карим жуфтларининг иймони ва ҳидоятига суяниб дунёга муккасидан кетган аёлларга дўзахни, Аллоҳ ва Расули соллаллоҳу алайҳи васалламга душман бўлганларнинг уйида “Аллоҳу Акбар” деганларга Осиё онамиз орқали жаннатни кўрсатиб қўйди. Марям онамиз орқали эса, модага боғланганларни, иффатсизликка, ҳаёсизликка мубтало бўлганларга куфрга қандай қарши туришни ўргатди. Агар Марям онамиздек бўлсангиз, Уни асраган Аллоҳ сизни ҳам асрайди, деб марҳамат қилди.14 Фарзанд тилни ҳам, динни ҳам онасидан ўрганади. Онасидан ўрганган тил билан гаплашади, онасидан ўрганган дин билан ҳаёт кечиради. Шунинг учун ҳам онаси Осиё ёки Марям оналаримиздек бўлган фарзандларнинг аксар қисми дунёдаёқ жаннат ҳидини олади. Онаси Нуҳ ва Лутнинг аёллари сингари хоина бўлган фарзандларнинг аксар қисми жаҳаннам йўлига кириб кетади. Шундай экан, “фарзандлар учун” шиори остида оилаларни барпо қилишни бошлайлик. Аёллар ичига, эркаклар ташқарисига қарайдиган уйлар барпо қилайлик. Хонадонга қадам босганда дўзах чуқурларига тушгандек эмас, мушк-анбар анқиб турган жаннат боғига киргандек бўладиган уйларни барпо қилайлик. 

Жаҳаннам чуқурларидан жаннат боғларига

 Мусулмонлар! Пайғамбар соллаллоҳу алайҳи васалламнинг кўрсатмалари билан Иблиснинг турли хил оммавий ахборот воситалари орқали қиладиган ҳужумига қарши курашинг. Агар умматнинг қизлари Осиё ёки Марямни эмас, шоу-бизнесдагиларнинг ҳаётини ўзларига намуна қилиб олсалар, бор бўлиб йўқдек яшайдилар, ношукрлик ҳукмини оладилар15, босган қадамларида тойиладилар, жаҳаннам чуқурларига тушиб кетадилар. Аксини қилсалар, оталари ташқаридан ҳимоя қилган уйларда саҳобия аёллардек етишиб чиқадилар, фотиҳларга она бўладилар. 

Давоми бор.

Абдуллоҳ Раҳим ва Нилуфар Исроилова таржимаси

14 Барча ояти кариманинг тафсири шу мулоҳазалардан иборатдир. 

15 Иброҳим сураси, 7-оят.

Мавзуга оид мақолалар
Мўмина синглим, сиз менга Германиядан мурожаат қилаётган бўлсангиз ҳам, кўз ўнгимда тургандексиз. Умматимнинг қалби ўртанаётган аёлларидан бири, динининг давоми...

17:47 / 31.01.2020 2920
Ким бугун ва охиратгача бутун умрини солиҳ банда сифатида яшамоқчи бўлса, улардан ўрнак олади. Улар Расулуллоҳ соллаллоҳу алайҳи васаллам бошчиликларида, ер ва давоми...

22:00 / 29.01.2020 3150
Мутолаа Иҳсан ШЕНОЖАК ТАСАТТУР ВА ТАФАККУРДА ИСЛОМ ДЕГАН ҚИЗЛАРrdquo Нафс ўлимга, ақл нажотга чақиради Дўзах сари етакловчи кимсалар жамиятнинг энг қадрсиз давоми...

22:09 / 14 февраль 871
НикоҳКим билан оила қуриш керакРасулуллоҳ соллаллоҳу алайҳи васаллам сарвари коинот, хотамул анбиё, оламларнинг фахри ва инсониятнинг энг мукаррами эдилар. У зот давоми...

18:57 / 11 март 1424