Қозон шаҳрида мусулмон ёшларнинг форуми бўлиб ўтмоқда
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қозон шаҳрида Россиянинг кўплаб ҳудудларидан 120 нафар йигит-қизни бирлаштирган “ХI мусулмон ёшлари” форуми бўлиб ўтмоқда. “Қалб касалликлари муолажаси” мавзуда бўлиб ўтаётган бу тадбир йигитлар ва қизлар учун алоҳида-алоҳида белгиланган жойларда ташкиллаштирилди.

Йигитлар ва қизлар учун дастур бир хил бўлса-да, аммо устозлар бошқа-бошқа бўлиб, алоҳида дарс беришмоқда.  Тўрт кун давомида ёшларга Россия Ислом институти ўқитувчиси, ақида, ҳанафий фиқҳи ҳақидаги китоблар ва мақолалар муаллифи, устоз Аҳмад Абу Яҳё ва устоз Закариё Тимганов, қизлар учун эса устоза Марям Забирова дарс беришди.

Форум иштирокчилари дарслар давомида қалб касалликларини ва уларни қандай қилиб даволашни ўрганишдию  Қозон шаҳрига Москва, Уфа, Пенза, Перм, Уляновск, Самара, Челябинск вилояти, Марий Эл Республикаси ва Татаристоннинг барча туманларидан иштирокчилар келишди.  Уларнинг барчаси 18 ёшдан 30 ёшгача бўлган мусулмон ёшлардир.

Форум мусулмон ёшларга нафақат маърифат, балки бирлашиш, танишиш, маънавий бойитиш ва ўзларининг ижтимоий стартапларини амалга ошириш имкониятини берди.                                                                                                                                                                                                                           Манба: islamisemya.com 

Мавзуга оид мақолалар
30 йилдан бери Огайо штатидаги мусулмонлар ва мусулмон бўлмаганлар ҳар йили Ислом кунини нишонлайдилар. давоми...

18:56 / 14.10.2020 2087
Дунё муслималарига хушхабар Ва ниҳоят Ғарб модаси Ўрта Шарқ томон йўл олди. Йўл ҳам айланма эмас, том давоми...

13:47 / 28.02.2017 7873
«30 кун ҳижобда» бу йилги Рамазон ойида айни мана шу ном остидаги акция ўз ҳаракатини давом эттиряпти. давоми...

08:12 / 14.06.2018 3578
Ғолиблик муборак, азиз муслимамХабарингиз бор, Рамазон ойи муносабати билан forum.muslimaat.uz саҳифамизда ҳам давоми...

04:30 / 14.04.2023 1652