Қуръонга бўлган муҳаббат
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Сузана Дерани, америкалик, олий ва ўрта таълим тарих фани ўқитувчиси, Қуръон, тафсир ва тажвид йўналишларида 20 йиллик тажрибага эга. У ўз ҳаётида Қуръонга бўлган муҳаббат ҳақида шундай ҳикоя қилади:

 “Мен Америка Қўшма Штатларида туғилиб вояга етдим. Онам бизни таълим олишимиз учун барча шарт-шароитлар яратиб берар эдилар. Мен у пайтлари жуда кичкина эдим! Бир куни мени ойим Қуръон ўрганишим учун устозга олиб бордилар. Биринчи кундан бизнинг дарсларимиз бошланиб кетди, душанбадан шанбагача эртаю кеч ўша ерда бўлар эдик. Мендан 3 ёш кичкина синглим ҳам дарсларга қатнашар эди, синглим билан дарс вақтлари, устозимиз ва ҳаттоки Қуръондаги саҳифамиз ҳам бир хил эди. Аммо  мен Қуръон ўрганишда синглимдан сустроқ эдим. Мен бу ўрганишни ҳеч қачон осон бўлмайди, деб ҳис қилар эдим! Лекин қалбимнинг тубида Қуръонга бўлган муҳаббат менга янада кўпроқ шуғулланишга ундар эди.

Бир куни мен бир қариндошимникига бордим. У қариндошларимиз ичида энг ёши улуғлардан эди. У шундай деди: “Қуръон бизнинг энг яқин дўстимиз бўлиши керак, ундаги ҳар бир сурани биз бирдек севишимиз керак, аммо ҳар бири ўзига хос бир нарсани бизга беради. Қуръон билан алоқалар ўрнатар экансан, барча ишлар сенинг ёнингга ўз-ўзидан келиб бошлайди ва сен илмга жуда чанқоқ бўлиб қоласан!”

  У жуда тўғри айтган эди! Бошингизга ғам-ташвиш тушганида, аввало, сиз Аллоҳга юзланинг! Роббимизнинг бу илоҳий китобини ўқисангиз, ғам-ташвишингиз кетиб, яхшилик қандай келиб қолганини сезмай қоласиз!

Илк бор тажвид илмидан ижоза олганимда, ўз олдимга мақсад қўйдим: “Қуръони каримни 19 ёшимгача ёд оламан!” Алҳамдулиллаҳ, бу мақсадимга эришдим! Шундай суралар бўлдики, масалан, Ҳуд сураси, уни ёдлаш жуда қийин бўлди. Аммо Юсуф сурасини жуда осон ёдладим. Бир кунда ёд олишга муяссар бўлдим!

Бир куни устозим менга Сабаъ сурасидан бир неча оят ўқиб бердилар. Ва менга: “Аллоҳнинг раҳматига эришишни истасанг, Қуръонга қайт, ўрган ва ўргат!” дедилар. Бу устозим билан бизнинг охирги учрашувимиз бўлди. Улар бу оламни тарк этдилар!

Шуни қайта-қайта таъкидлайманки, сиз ҳамиша олдингизга мақсад қўйинг! Ҳозирги сизнинг кичкинагина мақсадингиз келажакда катта-катта ютуқларга олиб келади! Оз-оздан бўлса ҳам, лекин бардамом бўладиган илм ҳақиқий илмдир! Буни асло унутманг!”

Мавзуга оид мақолалар
  Инсон сотиб олган ҳар бир нарса ҳам тижорат моли бўлавермайди. Кўпгина нарсалар шахсий ва оилавий фойдаланиш учун ҳам бўлади. Фақат сотиб, фойда олиш ниятида давоми...

04:10 / 04.06.2017 1371
Ўшанда Хадича бинти Ҳувайлиднинг ёши қирқда, эрининг ёши эса йигирма бешда эди. У эрига жуда меҳрибон, уни бутун қалби ила яхши кўрар эди. Ёши катта бўлсада эрини давоми...

21:00 / 14.03.2020 1798
Фарғона вилоятида якунига етган яна бир Қуръон мусобақаси Қўштепа тумани Муборак жоме масжидида бўлиб ўтди. Мусобақа ғолибалари билан қуйида танишасиз. Тиловат давоми...

01:12 / 07.02.2018 901
embedhttpswww.youtube.comwatchvW4OnpqGZSTsfeatureyoutu.beembed

03:50 / 09.12.2016 2730