Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.
Бир киши Каъбани тавоф қилиб юриб шундай дуо қиларди: «Роббим, Сен мендан розимисан?..». Шу пайт Имом Шофеъий раҳматуллоҳи алайҳи ўтиб кетаётиб унинг бу гапларини эшитиб қолибдилар. Имом Шофеъий у кишига: «Эй одам, сен Аллоҳдан рози бўлганмидинг-ки, У сендан рози бўлсин?!» дебдилар. Бояги киши: «Астағфируллоҳ! Аллоҳ мендан рози бўлишини сўраб турсаму, қандай қилиб мен Ундан рози бўлишим мумкин?» дебди. Имом Шофеъий раҳматуллоҳи алайҳи: «Агар бошинга мусибат келгандаги мамнуниятинг бир нарсага эришгандаги мамнуниятинг билан бир хил бўлса, бу сени Аллоҳан рози эканлигингни билдиради», дедилар.
Ҳозирги ҳолингга рози бўл! Имкониятларингга рози бўл! Атрофингдаги муҳитга рози бўл! Мана шулар Сенинг қадарингдир!
Розилик ‒ бахт-саодатнинг калитидир.
Розилик ‒ дардларга даво, қайғуни кетказувчи воситадир.
Доктор Муҳаммад Ротиб Наблусий ҳафизаҳуллоҳ
Абдуллоҳ Раҳим таржимаси
