Мусулмон аёл "Йилнинг энг яхши ўқитувчиси" бўлди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



АҚШнинг Миннесота штати маркази Сент-Пол шаҳридаги Капитолийда энг яхши ўқитувчи номи қайд этилди. Миннесота штатида бўлиб ўтган "Йилнинг энг яхши ўқитувчиси ‒ 2020"  танлови ғолиби 30 ёшли муслима Қоршо Ҳассан бўлди. Қоршо Хассан асли фаланстинлик,  у қочқинлар лагерида вояга етган.

“Star Tribune” нашрининг хабар беришича, у штатнинг Дакота округидаги Бернсвилл шаҳрида жойлашган «Echo Park» мактабида тўртинчи синф ўқувчиларига дарс беради. Қоршо Хассан штатдаги мактабларнинг 135 та номзодини енгиб, 10 нафар пешқадам ўқитувчилардан бирига айланди ва финалга етиб келди.

У тақдирлаш маросимидаги нутқида  синфдаги ўқувчиларни кўпроқ тинглашга, уларни кўпроқ эшитишга ва ўқитувчиларнинг ўқувчилар билан ҳамкорликда синфда адолатга эришишга эътибор қаратишлари тарафдори эканлигини айтди. Тақдимот тугагач, Ҳассан мухбир Ерин Голденга ўқувчилар билан муносабатларни ривожлантириш жуда муҳим омил эканини таъкидларкан, жумладан, шундай деди: "Уларнинг ҳар қандай нарсага қодир эканини уқтириш энг катта ютуқдир”, деди у.

"Education Minnesota" сайти хабар беришича, "Миннесотадаги йил ўқитувчиси" дастури 56 ёшга тўлди, у энг қадимги ва обрўли таълим ютуқларини тан олиш дастуридир. Энг яхши ўқитувчини танлаш жараёнида таълим, бизнес ва сиёсат соҳасидаги етакчилардан иборат танлов комиссияси номзодлар орасидан йилнинг ўқитувчисини танлайди.

Ўқитувчилар хамкасблари, мактаб ходимлари, ота-оналар , жамоат аъзолари ва ўқувчилар томонидан тайинланиши ҳам мумкин.


Манба: islam.plus.ru

Мавзуга оид мақолалар
Американинг йирик шаҳарларидан бирида расмийлар кўплаб мусулмонларнинг истакларини ўрганиб чиқиб, расмий давоми...

01:02 / 18.01.2021 2945
2024 йил 6 март, МоскваУстоз Одинахон Муҳаммад Содиқ ва Россиядаги ўзбекзабон аёлқизлар билан Alfardquo давоми...

09:42 / 08.03.2024 8107
2020 йил 7 декабрь куни Жиззах шаҳрида вилоятда фаолият олиб бораётган отинойилар учун ўқув семинари бўлиб давоми...

00:37 / 09.12.2020 3642
Келиб чиқиши сомалилик бўлган Лайло Али Элми швед ҳукумати тарихидаги илк ўранган муслима аёл бўлди. давоми...

11:02 / 27.03.2019 3556