Илм талаб қилиш жаннатнинг йўлига тушишдир
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Россиянинг Москва шаҳрида Шайх Муҳаммад Содиқ Муҳаммад Юсуф номидаги мадраса қошида ташкил этилган «Муслимаат мос» ўқув курсларида 26 нафар опа-сингилларимиз таълим олиб, 1-курсни муваффақиятли тамомладилар. Улар асосан тажвид, Қуръон, фиқҳ, араб тили, ҳадис каби фанлардан таълим олдилар. Йил давомида “Муфассал тажвид”, “Муаллими соний”, “Кифоя”, “Ҳадис ва ҳаёт” туркум китобларидан айрим жузларини устозлар кўмагида сабоқ олиб, илмларини зиёда қилдилар. 1 август куни “Муслимаат мос” ўқув курсининг 1-курс талабалари иштирокида кичик битирув тадбири бўлиб ўтди. Тадбир ўзгача шукуҳ ва таассуротларга бой бўлди. Шайх Муҳаммад Содиқ Муҳаммад Юсуф раҳимаҳуллоҳнинг фарзанди аржумандлари, устозамиз, muslimaat.uz сайти раҳбари Одинахон Муҳаммад Содиқ бу талаба муслима опа-сингилларимизни илм йўлидаги машаққатли меҳнатларини эътироф этиб, уларни онлайн тарзда фахрий ёрлиқлар билан тақдирладилар. Пайғамбаримиз алайҳиссалом: «Ким илм талаб қилиш йўлига тушса, Аллоҳ унга жаннатнинг йўлини енгиллаштиради», деганлар (Муслим ривояти). Илм талаб қилиш эса, жаннатнинг йўлига тушишдир. Имом Шофиъийнинг: “Агар дунёда азиз бўлишни истасанг, илм ўрган, агар охиратда шараф топишни истасанг, илм ўрган, агар ҳар иккисига эришишни кўзласанг, илм ўрган”, деган муборак сўзларини қалбларига жо айлаган бу муслима опа-сингилларимизга муваффиятлар тилаб, олган илмлари, иншааллоҳ, бу дунёда азиз қилсин, жаннатда ўзларига соябон бўлсин, охиратда эса шараф топтирсин. muslimaat.uz сайти таҳририяти

Мавзуга оид мақолалар
Арканзас штатидаги Мадина Ислом институтининг ректори Сафия Саид ҳуқуқни муҳофаза қилиш маҳкамалари билан ҳамкорлик қилгани учун FBI Федерал Текширувлар буюроси давоми...

13:44 / 29 апрель 673
AҚШ президентлигига асосий даъвогарлардан бири собиқ вицепрезидент, Демократик партияси аъзоси Жо Байден барча Aмерика мактабларида Ислом динига оид дарсларни давоми...

12:18 / 25 июль 465
Келиб чиқиши сомалилик бўлган Лайло Али Элми швед ҳукумати тарихидаги илк ўранган муслима аёл бўлди. Лайло Швецияга икки ёшида кўчиб келган. Ҳозир у давоми...

01:02 / 27.03.2019 535
Кеча 15 июнь 2019 йил санасида Хадичаи Кубро аёлқизлар ўрта махсус Ислом билим юртида 20182019 ўқув йили битирувчиларини кузатиш муносабати билан Хатмона 2019 тадбири давоми...

11:24 / 16.06.2019 755