Қурбонлик ҳақида
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.



Қурбонлик Қурбон ҳайити кунлари сўйиладиган ҳайвондир.


Фуқаҳолар истилоҳида қурбонлик «Махсус ҳайвонни махсус вақтда сўйишдир».


Қурбонлик шариатга иккинчи ҳижрий санада киритилган.


Ҳанафий мазҳаби бўйича қурбонлик қилиш вожибдир.


Қурбонлик қилиш ҳур, балоғат ёшига етган, оқил, муқим ва закот нисобига молик бўлган мусулмон шахсга вожиб бўлади.


Ҳанафий мазҳаби бўйича мусофирга қурбонлик қилиш вожиб бўлмайди.


Қурбонлик қилишнинг вақти ҳайит кунининг тонги отиши билан киради ва учинчи ҳайит кунининг аср вақти кириши билан чиқади.


Қурбонлик ҳайит намозини ўқиб бўлгандан кейингина қилина бошлайди.

(Бу йилги карантин ҳолатида бомдоддан кейин кун чиққандан сўнг қурбонликни сўйилаверади)


Агар қурбонликка аталган ҳайвон қочиб кетиб, ўрнига бошқаси олинган бўлса, кейин аввалгиси ҳам топилиб қолса, иккиси ҳам сўйилади.


Қурбонлик қилинадиган ҳайвонлар мол, қўтос, туя, қўй ва эчкилардан иборатдир. Бу ҳайвонларнинг эркаги ҳам, урғочиси ҳам, бичилгани ҳам, бичилмагани ҳам қурбонлик қилинса бўлаверади.


Булардан бошқа ҳайвонларни қурбонлик қилиб бўлмайди.


Битта қўйни битта одам номидан, битта туя ёки молни еттита одам номидан сўйиш жоиз.


Қурбонликнинг гўштини учга бўлиб, бир қисмини ейиш, иккинчи қисмини камбағалларга бериш, учинчи қисмини сақлаб қўйиш яхши.

Шайх Муҳаммад Содиқ Муҳаммад Юсуф раҳимаҳуллоҳ.

«Ҳадис ва ҳаёт» туркумидан


Мавзуга оид мақолалар
8СабоқЭҲРОМ МАСАЛАСИ.Эҳром, арабча сўз бўлиб, луғатда .ҳаром қилмоқ, деган маънони англатади.Ҳаж ва умрани давоми...

03:08 / 05.01.2023 2249
Олимлар зулҳижжанинг аввалги ўн куни афзалми, ёки рамазон ойининг охирги ўн куни афзалми, деган савол давоми...

01:00 / 31.07.2020 2011
16САБОҚСоч кесиш ва эҳромдан чиқишСафо ва Марва тепаликлари орасида саъй қилиб бўлгач, умра қилган эркаклар давоми...

01:33 / 04.02.2023 1401
1. Ҳаж сафарига отланувчи киши ўзидан кўнгли ранжиган кишиларнинг кўнгилларини овлаши, уларни рози қилиши давоми...

19:58 / 23.06.2023 762