Шукр қил...
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Шукр қил...

Нафас олдингми, уни қайтариб  чиқаришингга танинг Холиқидан рухсат кутади. Қанчадир лаҳза бўлакчасида бўладиган ҳолат. Ҳеч нарса оддий эмас. Тириклик учун шукр.       

     Агарда, сен учун азиз бир инсонни  ёнингдан ўлим олиб кетса, ўксима, чунки у омонат эди. Аллоҳ омонатни ихтиёр қилди. Тақдир ишига кўнмоқлик аслида бир мерос. Отамиз Одам  кўнмоқлик, сабр ва кутмоқлик, тавба қилиб дуоларда йиғламоқлик ва Жаннатни соғинмоқликни бизга мерос  қолдириб кетганлар...

     Беморлик синовига учрасанг, ҳар дақиқа ундан озорлансанг,  йиғлама, чунки у гуноҳларингни ювиб ташлаб, сени покламоқда. Бахтиёрликда қилинган гуноҳлар  маҳзунликдан бадал сўрайди! Энг маҳзун кунинг - Маҳшар майдонида бу гуноҳлар талабини билдирмаганига, ёқангга ёпишмаганига шукр қил!

    Сен учун азиз бўлган дўстинг алоқани узса ва узганлик сабабини айтмасдан кетса ҳам маҳзунлашма...  Чунки у сени қўлдан бой берди, сен эмас.  Ҳар ким насибаси борича ёнингда туради. Сен олган ҳаводан нафас олишлик насибаси эмасми, албатта кетади!

    Сен учун энг яқин инсонингни қаттиқ душманлиги ошкора бўлса ҳам, ўксима, балки умр бўйи ундан ғафлатда қолмаганинг учун Аллоҳга ҳамд айт. Кўп нарсаларнинг ҳикматини ё ақлинг тўлишганда, ё вақтлар ўтганда тушунасан!

    Сен кўп бора яхшилик қилган кишилар сенга зулм қилишса ҳам ҳайрон бўлма, бу дунёда  сен биринчи мазлум эмассан.  Кўплар хиёнатнинг таъмидан хабардор,  оғриғидан шикаста.  Бу ўйинларда сен золим бўлмаганингга қувонгин.

     Агар бир қалин дафтаринг бўлганда,  унга ҳар бир ўзинг етишган неъматларни санаб бирма-бир ёзиб чиқсанг ҳам дафтарингга сиғмаслигини биласан...

     Энг камбағал инсон ҳам шукрини билдирса, қўлида бор неъматларини кўз олдига келтирса,  аслида бой инсонлигини билади.

      "Камбағал бўлсанг, кўчиб боқ!"  дейишади.  Сен бу дунёдан у дунёга кўчмасингдан олдин бой эканлигингни ҳис қил ва  шукрона айт...

     Ҳар кун ўтади,  худди биз дунёдан ўтган каби,  орқадан янги йўловчиларнинг  куни туғилаверади!

Умму Зайнаб

Мавзуга оид мақолалар
Табиатнинг мўъжизавий ва фусункор фасли бўлмиш гўзал баҳор мусаффо ҳаво билан тўйинди. Аммо бу галги навбаҳор нафақат она табиат уйғониши билан, балки бутун давоми...

16:33 / 12.05.2020 1194
Aссалому алайкум ва раҳматуллоҳи ва барокатуҳ.Ҳар бир кунимизни Ўзининг тоатибодати билан ўтказишимизни ирода қилган Aллоҳ таолога ҳамду санолар бўлсин. Бу йўлда давоми...

12:04 / 21.05.2020 1758
Абу Ҳурайра розияллоҳу анҳудан ривоят қилинади .Расулуллоҳ соллаллоҳу алайҳи васаллам .Ижобат қилишига аниқ ишонган ҳолда Аллоҳга дуо қилинглар, билингларки давоми...

21:00 / 31.03.2020 1257
Инсонга берилган энг яхши нарса Уламолар одобсизлик иллатидан халос бўлиб, одобли инсонга айланиш йўлини иккига ажратганлар1. Одобларни назарий жиҳатдан давоми...

21:00 / 02.02.2020 1923