КИЙИНИШ ОДОБИ
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Кийим бир неча мақсадларда кийилади. Масалан, жисмни бошқалардан беркитиш, иссиқ ва совуқдан ҳимоя қилиш, чиройли кўриниш ва ҳоказо.

Шулардан энг муҳими, жисмни бошқалардан беркитишдир. Кийимларимиз авратларни беркитишда биз нималарга аҳамият беришимиз керак? Бунда уч ҳолат эътиборга олинади:

  1. Кийим аврат жойларни тўлиқ ёпиши керак. Аёлларнинг аврати номаҳрамларга нисбатан икки кафти ва юзидан бошқа барча аъзолардир. Эркакларнинг аврати киндигининг остидан тиззаси тугагунчадир.
  2. Кийим юпқа бўлиб, аврат кўриниб қолмаслиги керак.
  3. Кийим тор бўлиб, авратнинг шакли билиниб қолмаслиги керак.

Шунингдек, кийим танлашда қуйидагиларга эътибор қилинади:

  1. Кийимда  турли хил ёзувлар, хоҳ у маъно англатсин, хоҳ у маъно англатмасин,  бўлмаслиги керак. Баъзилар ўзи билмаган ҳолда бошқа тилда ёзилган жуда ҳақоратли сўзли кийимларни кийиб юради. Мана шундай хунук ҳолатларни олдини олиш учун ёзувлари бор кийимларни киймаслик мақсадга мувофиқдир. 
  2. Аёллар бошқаларнинг эътиборини тортмаслик учун авратини беркитишади. Шунинг учун улар ўзига жалб этувчи ранг-баранг кийим ва безаклардан тийилишлари керак.
  3. Аёллар аёлларнинг кийимини, эркаклар эркакларнинг кийимини кийиши зарур. Шу ўринда айтиб ўтиш керакки, аёллар учун тикилган шим каби кийимлар шариат талабларига жавоб берадиган бўлса, аёллар у кийимни кийишлари жоиз бўлади.
  4. Кийимда жонли мавжудотларнинг расми туширилмаган бўлиши керак.
  5. Кийимнинг матоси шариатимизда рухсат берилган матодан бўлиши керак. Масалан, эркаклар ипакдан бўлган кийимларни кийиши мумкин эмас.

Ғиёсиддин Юсуф

Муаллиф
Мавзуга оид мақолалар
Уламо ичинда қалбимга яқин, Энг ёруғ нур сочган, гўёки чақин, Мени маддоҳ экан деманг сиз тағин, Сизни давоми...

10:01 / 07.02.2017 8864
Бугун 15 сентябрь 2019 йил санасида muslimaat.uz сайти ҳамда Bintu Sodiq ахборотмаърифий каналининг «Сарҳисоб1440» ҳисобот давоми...

16:00 / 15.09.2019 2554
Ислом дини бешта рукн устига барпо қилинган. Абу Абдурраҳмон Абдуллоҳ ибн Умар ибн Хаттоб розияллоҳу давоми...

20:16 / 06.12.2019 3507
Ўн беш йил давомида мияси ўлик бўлган киши ҳақида ажойиб қисса Бир аёл ҳижрий 1415 йили эрида содир бўлган давоми...

19:14 / 26.12.2016 8621