Мажлиснинг якуни
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассаламу алайкум ва раҳматуллоҳи ва барокатуҳ.

Мажлиснинг якуни «Ижтимоий масалалар»га бағишланди. Унда Доктор Абдурроҳман Имроний ва Доктора Руқайя Тоҳа Алвоний маъруза қилдилар. Шуни таъкидлаб ўтишимиз жоизки, Доктора Руқайя Тоҳа Алвоний маъруза қилганлар ичида ягона аёл кишидир. Уламоларимиз шуни ҳисобга олиб, Докторага нисбатан лутф кўрсатиб, чиройли муносабатда бўлдилар. У кишини қўллаб-қувватлаб, мақтов ва тақдирлов сўзларини айтдилар. Бу орада «Иқро» телеканали уламолардан икки кишини, Олий Маслаҳат Қўмита раиси Доктор Холид Мазкур Мазкур ва Шайх Муҳаммад Содиқ Муҳаммад Юсуф ҳазратларини ўз совғалари билан тақдирлади. Бундан ташқари, Вақф ва Ислом Ишлари Вазирлиги ҳам Шайх Муҳаммад Содиқ Муҳаммад Юсуф ҳазратларига, у кишининг рафиқалари Фотимахон Исмоил Махдум қизига ва қизлари Одинахон Муҳаммад Юсуфларга ўз фахрий ёрлиқларини топширди. Мажлис ниҳоясига етиб қолганида, якуний баён ва тавсиялар ўқилди. Уламоларнинг устози бўлмиш муҳтарам Абдуллоҳ ибн Байяҳ, йиғилганларга насиҳат қилдилар. Эътибор берилиши керак бўлган нарсаларни эслатиб ўтдилар ва албатта, дуо қилдилар. Мажлис якунига етганидан сўнг мажлис қатнашчилари биргаликда суратга тушдилар. Аллоҳу субҳанаҳу ва таолодан барча уламоларимизга, шунингдек, ушбу анжуманни гўзал ҳолатда ўтишига ҳисса қўшган барча мўмин биродарларимизга, гўзал ажр-савоблар сўраб қоламиз. Динимиз равнақи йўлида қилинаётган, мана шунга ўхшаш хайрли ишлар бардавом бўлсин. Омин. Кувайт, Шератон. Muslimaat.uz
Мавзуга оид мақолалар
Абдуллоҳ ибн Амр ривоят қилади «Расулуллоҳ соллаллоҳу алайҳи васаллам «Аллоҳнинг ҳузуридаги энг яхши давоми...

19:40 / 09.12.2016 5278
1. Ният. Закотнинг тўғри бўлиб закот ўрнига ўтиши учун энг муҳим шарт закот беришни ният қилишдир. Чунки давоми...

08:59 / 08.10.2016 3591
Аллоҳ таолодан афв сўрашни кўпайтирингҲар куни шом намозининг азонидан бошлаб, Рамазон ойининг сўнгги давоми...

21:37 / 15.04.2023 2311
Расулуллоҳ соллаллоҳу алайҳи васаллам ўзларига хизмат қилган кишига хизмат қилар эдилар. Қуллари, чўрилари давоми...

00:59 / 30.09.2023 2161