Мухтасар ҳанафий фиқҳи «Беҳишти зевар»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ғуслнинг фарзлари

68-масала
Баданнинг бирор жойига – соч толасичалик жойга бўлса ҳам – сув етмай, қуруқ қолиб кетса, ғусл тўғри бўлмайди. Худди шунингдек, оғиз ва бурунни чайқашни унутса ҳам ғусл дуруст бўлмайди.

69-масала
Ғуслдан кейин баданда қуруқ жой қолиб кетган бўлса, ғуслни янгилаш лозим бўлмайди, балки ўша қуруқ жойнинг устидан сув оқизиш кифоя қилади. Лекин ҳўл қўл билан ўша жойга масҳ тортиш (силаб қўйиш) кифоя қилмайди, сув оқизиш шарт. Агар киши ғуслдан кейин оғзи ёки бурнини чаймаганини эслаб қолса, ўша ювилмаган жойининг ўзини ювади, ғуслни янгилаши лозим бўлмайди.

70-масала
Аёл киши бирор узр сабабли бошини юва олмаса, яъни бошини ювиш унга зарар келтирадиган бўлса, бошини ювиш фарз бўлмайди. Бошини ювмай, бошқа жойларини ювади.

71-масала
Хатна қилинмаган кишига машаққат бўлмаса, хатна қилиниши керак бўлган жойга сув киритиши лозим бўлади. Агар машаққат бўлса, лозим эмас. Аёл киши ҳам ички фаржини ювиши шарт.

72-масала
Агар аёл кишининг сочи ўрилмаган бўлса, бошини тўлиқ ювиши, сочи устидан сув оқизиши лозим. Бунда сув етмаган бирор тола қолса ҳам ғусл тўғри бўлмайди. Агар сочи ўрилган бўлса, сочининг тагига сув етказиши лозим бўлади, ўримини ҳўллаши шарт эмас.

Ашраф Али Таҳонавий

Муаллиф
Мавзуга оид мақолалар
Абдуллоҳ ибн Масъуддан ривоят қилинади Набий соллаллоҳу алайҳи васалламдан Амалларнинг қайси бири афзал деб сўрадим. Вақтида ўқилган намоз, дедилар. Кейин давоми...

18:36 / 27.12.2016 1614
   Суннат барча тарафдан Қуръони Каримдан кейин иккинчи ўринда туради. Балоғат ва фасоҳатда ҳам, шаръий ҳукмларда ҳам, жумладан, илмий мўъжизаларга далолат давоми...

06:51 / 15.03.2018 1058
 Тарихда илк бор Тунис пойтахтининг мэри қилиниб нозик хилқат вакиласи тайинланди. 3 июль санасида жамланган сайлов натижаларига кўра ғалабани Ислом партияси давоми...

22:04 / 06.07.2018 266
Маълумки, қўшниларга яхшилик қилиш жамиятдаги инсоний алоқаларни мустаҳкамлашга, жамиятни кучли, қудратли қилишга хизмат этади. Қўшнига яхшилик қилиш ҳақидаги давоми...

19:46 / 28.12.2016 1550