Гўзал ўрнак пайдо қилиш
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Гўзал ўрнак икки дунё саодати учун зарур омил экан, ўз-ўзидан «Уни қандай қилиб вужудга келтирса бўлади?» деган савол туғилиши табиий. Жавоб шуки, гўзал фазилатлар жибилият (фитрат)га сингдирилган бўлиши ҳам мумкин. Инсон табиатида бор бўлиши табиий ҳол. Аллоҳ фазлини истаган бандасига беради.

Гўзал ўрнак таълим билан ҳам пайдо бўлади. Инсон ўрганишда давом этар экан, ўзида яхшилик ва фазилатларни касб қилиб бораверади. Қуръони Каримда ҳам билганлар билан билмаганларнинг фарқи баён қилинган.

Гўзал ўрнак, шунингдек, тўғри тарбия билан пайдо бўлади ва мана шу асосий омилдир. Тарбиясизлик билан намуна бўлиш даражасига етиш амри маҳол.

Баъзан гўзал ўрнак ҳам фитрат, ҳам таълим, ҳам тарбия сабабли бўлиши мумкин. Аммо бу жуда нодир ҳолатларда юз беради. Бундай ҳол Аллоҳнинг расуллари ва пайғамбарларида мужассам бўлган. Баъзи авлиё ва солиҳларда ҳам кузатилган.

Аммо туғма гўзал ўрнак бўлмаган шахслардан-да намунали кишиларни тайёрлаш мумкин. Бу эса таълим ва тарбия билан бўлади. Баъзан билим-маърифат бўлмаса ҳам, баъзи бир жиҳатлардан ўрнак олса арзийди. Лекин барибир уни таълим билан тўлдириш керак. Акс ҳолда илмсизлик панд бериб қўяди.

Аммо таълим бўлса ҳам, зинҳор тарбиясизлик билан гўзал ўрнак ҳосил қилинмайди. Ахлоқсизлик билан бу даражага етилмайди. Лаънати Иблис ҳам олим бўлган. Аммо осийлиги туфайли илми наф бермаган.

Мана шулардан келиб чиқиб айтамизки, илм олиш ниҳоятда муҳимдир. Илм олиш бўлганда ҳам тўғри илмни олиш зарур. Ундан ҳам муҳими тарбияли бўлиш, одоб, ахлоқ ва фазилатлар эгасига айланиш керак.

Одинахон Муҳаммад Содиқ

Мавзуга оид мақолалар
Аллоҳ таоло Ўзининг чексиз ҳикмати ила бу оламни, бу дунёни, ҳайвонот, наботот ва жамодот оламини, осмонлару ерни, яхшиёмонни, ҳалолҳаромни, жаннат ва дўзахни давоми...

16:09 / 29.10.2020 628
Индонезиялик спортчи муслима Арьес Сусанти Хитойда бўлиб ўтган альпинистлар чемпионатида жаҳон рекордини янгилади. 24 ёшли Арьес Сусанти 15 метр баландликдаги давоми...

06:35 / 25.10.2019 1081
gallery ids12292,12293,12294,12295,12296,12297,12298,12299,12300,12301,12302,12303,12304,12305,12306,12307,12308,12309,12310,12311 «Муқтадолар саййиди» шиори остидаги мавлиди шариф анжумани  Бугун, 2015 йил 27 декабрь давоми...

23:46 / 25.02.2017 2339
Дунёдаги энг қадимий, шу билан бирга, доимий фаолиятда бўлган университет, «АлҚаровин» олий ўқув муассасаси ҳисобланади. Ушбу олий ўқув даргоҳи Марокашнинг Фесс давоми...

23:48 / 04.02.2017 3004