Гарвард мусулмон талабалари учун илк бор умра сафари ташкил қилинди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Қишки таътил давомида Гарвард университетининг 30 нафар мусулмон талабалари учун Макка ва Мадина шаҳарларига саккиз кунлик саёҳат уюштирилди. Ҳодисанинг ташкилотчилари Гарвард тарихидаги илк имом Халил Абдуррашид ва унинг рафиқаси Самиа Умар бўлди. Деярли барча харажатлар жамоат ташкилотлари ва кўнгиллилар томонидан қопланди.

Кўпчилик талабалар учун бу умра нафақат биринчи исломий зиёрат, балки АҚШдан хорижга илк сафар ҳам эди. Улар умра қилишдек имкониятдан баҳраманд бўлганлари учун улкан миннатдорчиликларини ҳамда бу уларнинг руҳан юксалишларига, иймонлари зиёда бўлишига сабаб бўлганини изҳор қилдилар.

«Мазкур сафар мен учун ўта ҳайратланарли бўлди, – дейди 21 ёшли Инжил Муҳаммад. – Ўнгим ва чапимда шу қадар кўп – 300 тадан зиёд кишининг намоз ўқиётганини кўриб, мен айнан тўғри йўлда эканимни ҳис қилдим. Гўё ўз уйимдагидек эдим».

Яна бир талаба Абдулазиз Банасей ўз ҳиссиётларини шундай ифодалади: «Миллионлаб мусулмонлар мендан аввал ҳам умра қилишган, мендан кейин ҳам қилишади. Бу фикр мени анча ўйга толдирди. Мен ҳамиша ўзимни диққат марказда деб билардим».

Бундан тўрт аср муқаддам, 1636 йилда асос солинган Гарвард университети АҚШнинг энг қадимги олий таълим муассасасидир. Ўзининг тарихи, нуфузи ва бойлиги билан у дунёнинг энг обрўли университетларидан бири ҳисобланади.

Мавзуга оид мақолалар
Керакли маҳсулотлар 3 та тухум 1 литр сут 2 коса майиз 1 чой қошиқ чой содасиуксусда ўлдирилган 2 пиёла шакар 2 пиёла ун креми учун 250 грамм сариёғ 1 та давоми...

08:27 / 09.12.2016 2674
Аллоҳдан кучқувват сўрадим.... У эса кучли бўлишим учун имтиҳон, синов ва машаққатлар берди менга. Аллоҳдан ўткир зеҳн сўрадим... У эса ечимини топишим учун давоми...

18:54 / 14.12.2016 1485
Ижтимоий муносабатларда илмнинг аҳамияти Аксар Ислом дини манбаларида илм энг қадрли фазилат сифатида тилга олинади. Мазкур манбаларнинг энг олийси Қуръони давоми...

04:47 / 01.02.2018 2250
  1914 йилда содир бўлган воқеа шарафига 5 август «Халқаро светафор куни» деб нишонланади. Ушбу кунда Америка шаҳри Кливлендда илк бор замонавий ускуна пайдо бўлган. давоми...

00:43 / 11.03.2017 1661