Мурожаатнома!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Ассалому алайкум, ҳурматли саҳифамиз фойдаланувчилари!

Алҳамдулиллаҳ, ҳозирги кунда бировга яхшилик улашиш, манфаат етказиш осон бўлиб қолди. Хусусан, бу иш интернет воситасида осонгина амалга оширилмоқда. Масалан, ижтимоий тармоқлардаги саҳифаларда битта хабарни бир вақтнинг ўзида минглаб фойдаланувчиларга етказиш мумкин. Шундан фойдаланиб, кўпчилик яхшилик улашишга бел боғлаган. Бу жуда яхши ҳолат, албатта. Фақат бунинг учун баъзи қоида ва одобларга амал қилишимиз кераклигини эслатиб ўтмоқчимиз. Жумладан:

  1. Маълумотни улашадиган киши ўша маълумотнинг тўғри ёки нотўғри эканини ажратадиган даражада илмли бўлиши керак. Ёки ишончли манбанинг маълумотини улашиш лозим. Зотан, ҳадиси шарифда кишининг ёлғончилигига эшитган нарсасини гапириб кетавериши кифоя қилади, дейилган.
  2. Улашиладиган маълумот ўқувчиларнинг савиясига мос бўлиши лозим. Ҳазрати Али каррамаллоҳу важҳаҳу: «Одамларга билган нарсаларингни гапиринглар. Ёки Аллоҳ ва Унинг Расули ёлғончи қилинишини суясизларми?» деганлар.
  3. Бирор бир сайт, саҳифа ва шу кабиларга тегишли маълумотни улашганда муаллиф ҳамда манбани кўрсатиш шарт. Хусусан, нусха кўчириб, ўз номидан улашиб юбориш бировнинг ҳаққига хиёнатдир. Гарчи яхшиликни улашаётган бўлсангиз ҳам, муаллифлик ҳуқуқига риоя қилиш шариат талабидир. Ҳозирги кунда бир саҳифадаги маълумотдан нусха олиб, ўз саҳифасига манбани кўрсатмаган ҳолда қўйиб юбориш ҳоллари кўп учраяпти. Хусусан, бизнинг саҳифаларимиздан ҳам олиняпти. Биз саҳифамиздаги маълумотларни улашишингизга қарши эмасмиз, фақат муаллиф ва манбани кўрсатинглар, илтимос!

Аллоҳ таоло барчамизни тўғри йўлда собитқадам қилсин!

Muslimaat.uz таҳририяти

Мавзуга оид мақолалар
Бизлар учун нурга тўлган дунёдирсиз, Илму ҳикматдурга тўлган дарёдирсиз, Расулуллоҳ экиб кетган ҳурмодирсиз, Омон бўлинг, устозимиз, омон бўлинг. Бизлар учун давоми...

09:44 / 15.11.2016 1533
ТУҒАДИГАН КИМ ТУҒАДИГАН КИМ Иккинчи мактуб ОИЛА фарзандлардан бошланади. Александр ГЕРЦЕН Ассалому алайкум, дадаларнинг энг яхшиси Соғомонмисиз Турмуш давоми...

23:28 / 23.03.2017 1570
Ҳаётимизда содир бўладиган кўплаб воқеаларни тафаккур қилиб кўриш ва улардан керакли хулосалар чиқариш мумкин. Аёл бу тафаккур қилишга ундовчи жумбоқ. Дунёвий давоми...

04:11 / 22.11.2016 1979
Кундалик ҳаётимизда ҳар куни, доимо ҳожатимиз тушиб турадиган масканлардан бири ҳожатхонадир. Ҳожатхона доимо озода ва саранжом бўлиши лозимдир. Шу билан бирга, у давоми...

04:02 / 29.11.2016 2014