Энди ортиқ бомдод намозига ухлаб қолмайсан!
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 манба: http://umma.news/bolshe-ty-ne-propustish-utrennyuyu-molitvu/

 Тонг. Уйқунинг энг ширин пайти… Ўриндан турмасдан яна озроқ тушлар оламида қолишни истайди киши. Бироқ бомдод намозига туриш керак. «Ҳали вақт бор-ку, яна беш дақиқа ухлай, кейин тураман» ва ана! Соат бонглари ишга турадиган вақт бўлганининг хабарини бермоқда! Бу сафар ҳам бомдод намозига ухлаб қолдинг. Сенга шу ҳолат танишми?

  Ўйлашимча, кўпгина мусулмонлар бундай аҳволни яхши биладилар. Аммо тиришқоқ мусулмонлар бизларни иссиққина тўшакдан бомдод намозига турғазишнинг янги усулини топдилар.

Британиялик мусулмонлар намозга уйғотувчи янги FajrUp мобил иловасини яратишди. Улар «Умматнинг кучи – бирликда» исломий шиоридан келиб чиққан ҳолда иловада мусулмонларга кўпроқ савоб орттириш имконини берганлар. Илованинг ишлаш тартиби жуда оддий: «Ўзинг уйғондингми – бошқа бировни уйғот ва мукофот ол». «Ассалому алайкум» ҳамда «Ас-солату хойру минан-навм» («Уйқудан намоз яхшидир!») жумлаларининг маъноларини биламиз. Сизга уйғотиш учун қўнғироқ қилган одам айни мана шу сўзларни айтади. Бомдод намозига айтилган азондан 15 сония ўтиб, қўнғироқ VoIP алоқа тизими орқали келади.

Фойдаланувчилар FajrUppie («Мени бомдодга уйғот!») ёки FajrUpper («Бомдодга уйғотишим мумкин») каби асосий созламаларни танлашлари мумкин. Шунингдек, иловада қиблани аниқловчи рақамли компас, фарз намозларининг ўқилиш вақтлари ҳамда исломий байрам ва муҳим саналарни кўрсатувчи қўшимча имкониятлар ҳам мавжуд. Минимал реклама харажатларини ҳисобга олган ҳолда илованинг ишга тушган вақтидан бошлаб шу пайтгача 38.000 марта юклаб олинган.

FajrUp иловаси Android, iOS тизимлари учун ҳам мослаштирилган.

[embed]https://www.youtube.com/watch?v=i0T4JO5nYh8&feature=youtu.be[/embed]
Мавзуга оид мақолалар
 Оилага доир нозик масала ҳисобланган кўпхотинлилик хусусида фикр юритсак. Аниқлик киритамиз оиласи бузилиши натижасида талоқ бериб, сўнг иккинчи ёки учинчи давоми...

05:10 / 17.01.2017 3344
Турк тилидан Умида АДИЗОВА таржимаси Жунайд СУАВИ Чақалоғимни кўришим мумкинми илк маротаба фарзанд кўрган ёш она шифокордан сўради. Унга юмшоққина тугун давоми...

00:53 / 05.08.2018 2474
embedhttpswww.youtube.comwatchvrDOjKW81Vgt2149embed

05:07 / 13.07.2015 3678
Масаллиқлар Блинчикка 4 дона тухум, 1,5 стакан сут, 1 стакан сув, 2 стакан ун, 0,5 стакан какао кукуни, 6 чой қошиқ сариёғ, 2 ош қошиқ шакар, 2 чой қошиқ ванилин Ичига давоми...

10:10 / 01.01.2017 2922