Муслима аёл “Замонамиз онаси” дея аталди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

 Имконияти чекланган тўрт нафар фарзандни тарбиялаётган муслима аёл Садет Живил “Замонамиз онаси” дея эътироф этилди. Катта ҳамда сахий қалб эгаси бўлмиш бу аёлга мазкур унвон Истамбулнинг Кючюкчекмедже тумани ҳокимлиги томонидан Оналар куни арафасида тақдим қилинган.

Садет Живил фарзандларини ёлғиз ўзи катта қилаётгани сабабли улар учун ҳам ота, ҳам она бўлди. Аёлнинг ўзи қандли диабет касаллигидан қийналса-да, ҳормай-толмай болаларининг барча эҳтиёжлари ҳақида қайғуради ва уларни чексиз яхши кўришда давом этади. Ҳаётдаги келишмовчиликларни оила биргаликда бартараф қилишга ўрганишган. 

58 яшар Садет Живил турмуш ўртоғини ўн йил аввал йўқотган. Унинг айтиб беришича, оиласига бахтсизликлар бирин-кетин ёғила бошлаган: «Аввал фарзандларим соғлом эди, кейин эса юриш ҳамда гапириш қобилиятларини йўқотишди. Тўшакка михланиб қолдилар. Кўрсатмаган шифокорларим қолмади, аммо ҳаммаси натижасиз эди. Ҳозирда ёлғиз ўзим уларга қарайман ва барча ишларда Аллоҳга таваккал қиламан».

Давлат томонидан бериб бориладиган катта бўлмаган нафақа учун аёл маҳаллий идорага ўз миннатдорчилигини билдиради. Қариндошлари узоқда яшагани туфайли болаларга қарашда кўмаклашолмайдилар. Садет Живил Яратгандан фақатгина мустаҳкам соғлик сўрайди. «Мендан бошқа ким ҳам фарзандларимни парваришлайди?» дейди у.

«Йил онаси» мукофотининг тақдирлаш маросими ҳар йили ўтказиб борилади. Мазкур унвонга ўз болалари учун кўплаб меҳнат қилаётган аёллар сазовор бўладилар. Бироқ Истамбулнинг туман ҳокимлиги берилаётган бу йилги мукофотни Садет Живилнинг чексиз яхшилиги ва матонати учун «Замонамиз онаси» дея номлашга буйруқ берган.

http://www.islamisemya.com/aktualno/aktualno/nashi-novosti/16227-musulmanka-nazvana-materyu-veka

Мавзуга оид мақолалар
Фақиҳ Марузийдан ривоят қилинишича, у киши ўз хожаларининг боғида узоқ йиллардан бери ишлар эканлар. Кунлардан бир кун хожа келиб, улардан ширин анор узиб давоми...

09:38 / 27.02.2017 3064
Бисмиллаҳир Романир Роҳим Алҳамду лиллаҳи Роббил аъламин, вассолату вассаламу ала хойри холқиҳи Муҳаммадин ва ала алиҳи ва соҳбиҳи ажмаин. Ассалому алайкум ва давоми...

18:45 / 26.12.2016 1291
Бугун Тошкентда Қуръон мусобақаси Республика босқичининг аёлқизлар ўртасидаги беллашувлари якунланди. Президент Шавкат Мирзиёев ташаббуси билан бошланган ва давоми...

07:23 / 26.04.2018 1264
gallery linkfile ids8489,8490  Бир кун жажжи фарзандим, сўраб қолди дилбандим. Дада, нечун бу ойни  Рамазон ойи дейди Нечун кимдир оч юриб, кимлардир таом ейди Гўё давоми...

11:13 / 08.02.2017 3845