“Шайх Зайниддин” масжидида Қуръон мусобақасининг Республика босқичига тайёргарлик
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун Тошкент шаҳридаги “Шайх Зайниддин” (Кўкча) масжидида “Қуръон мусобақаси – 2018” танловининг Республика босқичи иштирокчилари учун тренинглар бўлиб ўтди. Унда ҳифз маҳорати, тажвид илми, овоз ва тараннумдаги маҳорат, муомала маданияти бўйича Абдулҳаким қори Матқулов, Ҳасанхон қори Абдулмажидов, Муҳаммад Аюб домла Ҳомидов, Жаҳонгир қори Неъматов, Ҳамидуллоҳ қори Арипов, Валихон қори Азимбоев, Зайниддин қори Усмонов, Муҳаммаддиёр Турсунов, Жасурбек қори Қулбоев ва сухандон Шуҳрат Қаюмовлар қатнашчиларга маслаҳатлар беришди. Шунингдек, Қуръон мусобақасининг ўтказилишига доир бир қанча ташкилий масалалар кўриб чиқилди. Вилоятлар ва Тошкент шаҳридан келган қорилар эркак устозларга, қория қизларимиз эса аёл устозларга Қуръон қироати бўйича амалиёт топширдилар, яъни қироатларини ҳар жиҳатдан кўрикдан ўтказишди ҳамда иштирокчиларнинг бир қанча саволларига ҳайъат аъзолари томонидан жавоблар берилди. Маълумотларга кўра, беллашувнинг Республика босқичида вилоятлардан жами 13 ва Ўзбекистон мусулмонлар идораси тасарруфидаги Ислом билим юртларидан 3 нафар аёл-қизлар ҳифз йўналишида ўзаро мусобақалашадилар. Эртага ҳам тиловат йўналишида иштирок этувчи қори-қориялар учун худди шундай тренинглар ўтказиш режалаштирилган. Мусобақада 28 та ва Ислом билим юртларидан 4 та аёл-қизларнинг тиловат йўналишида беллашиши кўзда тутилган. muslimaat.uz 
Мавзуга оид мақолалар
28 март куни юртимизда узоқ кутилган, оламшумул, унутилмас воқеа юз берди. Ватанимиз мустақилликка давоми...

13:41 / 24.04.2018 2392
  Ривоят қилинишича, Расулуллоҳ соллаллоҳу алайҳи васаллам Савр тоғидаги ғордан чиққанларида рабиъул давоми...

11:59 / 01.01.2017 9543
Исломда отаона ниҳоятда эъзозланади. Фарзанд ҳар бир маъруфда уларга итоат қилиши ва уларга давоми...

15:07 / 10.12.2018 26371
Бир куни устоз шогирдларидан сўради Болаларим Аллоҳ таоло сизни дунё устидан ҳукмрон қилиб қўйганида давоми...

15:10 / 25.12.2018 4922