«Қуръон мусобақасини тарихий байрам, деб айта оламан»
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Олмазор туманида бўлиб ўтаётган Қуръон мусобақасида Ташкилий қўмита раиси Абдулҳаким қори Матқулов мусобақа иштирокчиларини шундай қутлуғ байрам билан чин қалбдан муборакбод этди ва ўз табрикларида шундай самимий тилакларни билдирди:

– Президентимиз Шавкат Мирзиёев ташаббуслари билан эълон қилинган ушбу Қуръон мусобақаси чин маънода улкан бир байрам, тарихий кун, деб айта оламан. Бу кун албатта, муҳтарам устозимиз, ўз ҳаётининг асосий қисмини Ислом дини ривожига, халқ хизматига бахшида этиб яшаган ҳамда 200 дан ортиқ бебаҳо китоблари билан бирга «Тафсири Ҳилол»дек Аллоҳ таолонинг илоҳий Каломи бўлган Қуръон таржимаси – маънолар шарҳини миллатимизга бебаҳо мерос қилиб қолдирган шайх Муҳаммад Содиқ Муҳаммад Юсуф ҳазратларини хотирламасдан ўтолмаймиз. 

[gallery columns="5" link="file" ids="31676,31677,31678,31679,31680,31681,31682,31683,31684,31685,31686,31687,31688,31689"]

Албатта, ушбу хайрли ишларда устозимизнинг улкан хизматлари, беқиёс ҳиссалари борлигини барчамиз биламиз. Бежизга президентимиз Шавкат Мирзиёев Чилонзор туманида қурилаётган янги масжидни шайх Муҳаммад Содиқ Муҳаммад Юсуф номи билан аталишини таъкидлаганлари йўқ.

Шунингдек, мен қаерга борсам, Ўзбекистон мусулмонлар идораси раиси, муфтий Усмонхон Алимовнинг саломларини етказяпман. У киши: «Юртимизда бошланган шундай хайрли ва чиройли ишлар билан азиз онахонларимизни ҳамда опа-сингилларимизни, солиҳа қизларимизни муборакбод этинг ва саломимни етказинг!» деб тайинламоқда.

Сизу бизнинг ушбу гўзал «Фаровон» номли кошонада тўпланиб туришимизда хизматларини аямаган барча мутасаддиларга, жумладан «Фаровон» тўйхонаси раҳбариятига, хусусан Ҳабибуллоҳ қори ака, Садриддин қори ака, Исмоил қори, «Тўлқин Акром ўғли» жоме масжиди имом-хатиби Саҳобиддин домлага ҳамда барча Қуръон мухлисаларига, қатнашчиларига ўз миннатдорчилигимни билдираман.

Қиш кунлари муносабати билан пойтахтимиздаги совуқ об-ҳаво инобатга олиниб, «Тўлқин Акром ўғли» жоме масжиди ичида тўйхона ичига сиғмай қолган аёл-қизлар учун алоҳида жой тайёрланиб, мусобақадан тўғридан-тўғри эфир уланди. Масжид ичидаги томошабинлар мусобақа жараёнини ушбу қулайлик орқали кузатиш имконига эга бўлдилар.

Азизлар, ушбу Қуръон мусобақасини такрор тарихий байрам, деб айта оламан. Сабаби ҳали бундай ҳолат Ўзбекистон тарихида кўрилмаган эди.

Иштирокчиларга  Аллоҳ таолонинг мададини, муваффақиятини тилайман.

Барчангизни шундай гўзал анжуман – Илм мусобақаси билан табриклайман! Бошланган барча хайрли ишларимиз давомли бўлишини Аллоҳ таолодан дуолар билан сўранг!

Гулбаҳор АБДУЛЛОҲ Muslimaat.uz учун махсус

Мавзуга оид мақолалар
Аллоҳ таоло «Бас, сабр қил. Албатта, Аллоҳнинг ваъдаси ҳақдир. Гуноҳинг учун истиғфор айт. Эртаю кеч Роббингга ҳамд ила тасбиҳ айт», деган Ғофир, 55. Ушбу ояти давоми...

08:43 / 18.11.2016 3405
УЧ КАРРА ЖАҲОН ЧЕМПИОНИ Ўнинчи мактуб Бизга яхши оналарни беринглар, биз яхши одамлар бўлиб етишамиз. Жан ПОЛЬ Ассалому алайкум, адаcи Соғомонмисиз давоми...

01:22 / 28.03.2017 2939
embedhttpswww.youtube.comwatchvMIWYGXUo6z4embed

03:40 / 25.04.2017 3099
Қуръон мусобақаси аёллар беллашуви иштирокчилар чиқиши ниҳоясига етди Тошкент шаҳрида давом этаётган Қуръон мусобақаси Республика босқичининг аёлқизлар давоми...

03:19 / 26.04.2018 3120