Гулнора Каримова 10 та диний таълим муассасаларининг 20 нафар талабасига стипендия таъсис этди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

«Асрлар садоси» анъанавий маданият фестивали доирасида Бухоро вилоятининг Когон туманида қайта таъмирланган Биби Орифа мақбарасининг тантанали очилиш маросими бўлиб ўтди.«Меҳр нури»жамғармаси томонидан реконструкция қилинган иншоот Баҳоуддин Нақшбандий мажмуасида жойлашган бўлиб, уни қайта таъмирлаш ишлари «Меҳр нури» Жамоатчилик Кенгаши раиси Гулнора Каримова ташаббуси билан бундан қарийб бир йил муқаддам бошланган эди.
Мазкур мажмуа Нақшбандия тариқати асосчиси, сўфий таълимоти муаллими Баҳоуддин Нақшбандийнинг волидаи муҳтарамасига бағишлаб XVI асрда қурилган. Биби Орифа ўз билими, ақл-заковоти, Ислом динига содиқлиги билан машҳур бўлган. Йиллар ўтиши билан таъмирталаб бўлиб қолган мажмуанинг масжид, мақбара ва ҳовуз қисмлари «Меҳр нури» Жамоатчилик Кенгаши раиси Гулнора Каримова ташаббуси билан қайтадан қурилиб, таъмирланди. 2012 йилда бошланган қурилиш ишлари ниҳоясига етказилиб, мажмуа атрофида ободонлаштириш ва кўкаламзорлаштириш ишлари ҳам олиб борилди. Турфа алвон гуллар, мевали ва манзарали кўчатлар атрофга янада гўзаллик бағишлади. Очилиш маросимида сўзга чиққанлар, ташаббускор ташкилотчиларга, таъмирлашда иштирок этган уста-ҳунармандларга ўз миннатдорликларини билдиришди. Шунингдек, мамлакатимизда маънавий билимларни оширишга қаратилган лойиҳа доирасида «Меҳр нури» жамғармаси Жамоатчилик Кенгаши раиси Гулнора Каримова юртимиздаги 10 та диний муассасанинг 20 нафар талабасига стипендиялар таъсис этди. Талабалар бир академик йил давомида стипендия олишади. Бундан ташқари, билим юртларга моддий-техник базани кучайтириш мақсадида сертификатлар ҳам топширилди. 2005 йилдан бошлаб юртимизда «Меҳр нури» жамғармаси томонидан бой маънавий меросни сақлаб қолиш, тарихий обидаларни ободонлаштириш, таълим тизимини ривожлантириш, ҳамда модернизациялаш, жамиятда ўзаро тушуниш ва толерантлик руҳиятини мустаҳкамлашга қаратилган кўплаб лойиҳалар амалга оширилиб келинмоқда. Маънавий билим муассасаларини моддий-техник жиҳатдан қўллаб-қувватлашга қаратилган мазкур кенг қамровли лойиҳа доирасида мамлакатимиздаги етакчи диний таълим муассасаларга дарсликлар, соҳага оид ҳорижий, ҳамда маҳаллий махсус қўлланмалар, компьютер анжомлари, хўжалик ва ташкилий техникалар билан кўмак бериб келинмоқда. Шунингдек, энг иқтидорли талабаларга бир маротабалик стипендия тарзида пуллик грантлар ажратилди. 2012 йилдан бошлаб талабалар бир академик йил давомида стипендия олишмоқда. Ўтган 8 йил давомида 11 та маънавий (диний) билим юртларига жами бўлиб, 114 миллион 869 минг сўмлик миқдорда моддий ёрдам кўрсатилди.
«fondforum.uz» сайтидан олинди.
Мавзуга оид мақолалар
Бугун 9 июнь 2019 йил санасида Ҳилолнашр нашриётининг анжуманлар залида muslimaat.uz сайти томонидан Шодлик олиб келдинг, моҳи Рамазон номли тадбир кечаси бўлиб ўтди. давоми...

03:53 / 09.06.2019 277
 Солиҳ амаллар уч шарт билангина қабул бўлади 1. Набий соллаллоҳу алайҳи васаллам келтирган суннатга мувофиқ бўлиши керак. Набий алайҳиссаломнинг суннатларига давоми...

23:02 / 23.09.2018 831
gallery columns4 linkfile sizemedium ids9449,9450,9451,9452,9453,9454,9455,9456,9457,9458,9459,9460,9461,9463,9465,9466,9467,9468,9469,9470,9471,9472,9473,9475 «Қуръони Карим маънолари таржимаси» ҳамда «Зуҳд ва ҳаё» китобларининг давоми...

01:01 / 13.02.2017 2206
Уруш яксон қилди бизни Иккинчи синфда ўқиётган кезларимда мактабимизда бомба портлади. Синфдан отилиб чиққанча укамни қидира бошладим. Бомбанинг овозидан давоми...

20:23 / 24.02.2017 3494