Машҳур Қўқон шаҳрида Қуръон мусобақаси бошланди
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Бугун 2018 йил 7 февралдан Фарғона вилоятининг машҳур шаҳарларидан бири қадимий Қўқон шаҳрида навбатдаги Қуръон мусобақаси бошланди. Шаҳардаги “Дегрезлик” жоме масжидига мингга яқин Қуръон мухлисалари йиғилишган.

Беллашув Қуръон тиловати билан очиб берилди ва чиройли дуолар қилинди.

Мусобақа бошланишидан олдин Республика бўйича Қуръон мусобақаси ўтказилишига масъул бўлган устоз Абдуҳаким қори Матқулов чиройли нутқ сўзлаб, Қуръон тинглаш ҳамда масжид одоблари, шунингдек, динимиз ривожи борасидаги давлатимиз томонидан амалга оширилган ва амалга оширилаётган ишлар ҳақида гапирдилар. Домла Қуръон мусобақасининг Республика босқичида 1-ўринни олган ҳофиз ва ҳофизалар Тошкент Давлат Ислом институтига имтиҳонсиз қабул қилиниб, ота-оналари билан бирга муборак умра сафарига юборилишлари ҳақида хушхабар бердилар.

Абдуҳаким домла айтишларича, Қўқон шаҳрининг ўзидан 100 га яқин қори ва қориялар иштирок этишяпти.

Алоҳида таъкидлаш керакки, барча мусобақадагидек каби Қўқон шаҳридаги мазкур масжидда ўтказилаётган беллашувда ҳам Президентимиз Шавкат Мирзиёевни Ўзбекистон мусулмонлар идораси ҳайъат аъзолари ва йиғилганлар чиройли дуолар қилишди.  

                         

“Муслимаат.уз”га хабар беришларича, тиловат йўналиши бўйича 42 та, ҳифз йўналиши бўйича эса 2 та (Муйдинова Мубинабону Маҳмуджон қизи ва Ваҳабова Зиёдахон Рустамовна) аёл-қиз иштирокчилар фақат Қўқон шаҳрининг ўзидан беллашяптилар.

Шундай қилиб, устозлар барча иштирокчиларга оқ йўл тиладилар ва мусобақани ҳифз йўналиши бўйича Муйдинова Мубинабону Маҳмуджон қизи бошлаб берди.

Биз билан мусобақа давомини кузатиш учун бирга қолинг...

Зуҳрахон ҲАМДАМОВА

   
Мавзуга оид мақолалар
4.Пайғамбарларга  иймон. «Пайғамбар» форсча сўз бўлиб, «хабар етказувчи» деган маънодадир. Арабчада «расул, давоми...

10:43 / 02.05.2017 3172
embedhttpswww.youtube.comwatchvMuVMBNJqgG0embed

14:51 / 09.12.2016 4115
Чиндан ҳам у онадир Биз қачонки бахтсаодату мамнуниятни ҳис қилган вақтимизда, муваффақияту ютуқларга давоми...

17:10 / 20.02.2017 5027
Мен католик роҳибаси бўлиш учун ўқидим, кейин эса Исломни қабул қилдим «Ирена Ҳандоно Индонезияда Ислом давоми...

21:00 / 16.12.2019 3127