Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

25 январ куни Россиянинг Пенза шаҳридаги Х.Д.Тенишева номли маданий-оқартув марказида ҳижоб кунига бағишланган кеча бўлиб ўтди, дея хабар бермоқда dumpo.ru. Анъанага кўра, байрам Қуръон тиловати билан бошланди. Кейин меҳмонларга «Бутун дунё ҳижоб ўраган» номли видеоролик кўрсатилди. Сўнгра бошловчи Марям Абузарова меҳмонларга ҳижобнинг аҳамияти ва уни ўраш қоидалари ҳақида гапириб берди. Модельер Элвира Тимербулатованинг ҳижобли либослар коллекцияси ҳам намойиш этилди. Шунингдек, у ҳижоб ўраш сирлари ҳақида маҳорат дарсини ўтказди. Гўзаллик ҳақидаги суҳбатлардан сўнг ташкилотчилар меҳмонларни дастурхонга таклиф қилдилар. Хоҳлаганлар қўлларига хинадан нафис нақшлар ва суратлар чиздирдилар.