Шаъровий "100 савол-жавоблар" китобидан (аудио 1,2,3)
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Аёл киши билан саломлашиш

1-cавол: Аёл кишининг бошқа эркаклар билан қўл бериб кўришишининг ҳукми қандай?

Жавоб: Албатта, Расулуллоҳ соллаллоҳу алайҳи васаллам умматнинг энг омонатгўйидирлар. У зот мўминлар билан байъат қилганларида эркаклар билан қўл бериб байъат қилганлар, аёллар билан эса байъатларини қабул қилиб олиш билангина кифояланганлар.

Аёллар билан саломлашишимиз ва қўл бериб кўришишимиз заруратдандир, бу одатга айланган, дегувчиларга Имом Шаъровий раддия қилиб дейдилар: “Бу тамомила бошқа уламоларнинг гапларидир. Биз шу аср билан яшашимиз керак, дейдиганларга, албатта, биз динимиз билан яшашимиз лозим, дейишимиз керак”.

Китобия аёлга уйланиш

2-савол: Динимизда китобия аёлга уйланишга рухсат берилишининг ҳикмати нима? Бунга пок шариатимизнинг қоидаси қандай?

Жавоб: Бунинг ҳикмати Ҳақ таолонинг ишидир. Албатта, биз хамр ичишдан ман қилинганмиз. Бу Аллоҳнинг амридир. Ароқ ичиш натижасида келиб чиқадиган нарсаларнинг олдини олиш учун ман қилган.

Уйланишни олсак, китобия аёл ҳам илоҳга ва осмондан келадиган ваҳийга ишонади. Шунинг учун худосиз ёки мушрикага тенг қилмаймиз.

Эрнинг дини аёл учун ишончлидир ва аёлга масъуллик қилишга ҳаққи бор. Чунки эр аёлнинг пайғамбарларига иймон келтиради ва уларни ҳурмат қилади. Агар аёлини севса, хорламайди.

Сунъий урчитилган фарзанд

3-савол: Пробиркада фарзандли бўлишнинг динимиздаги ҳукми қандай?

Жавоб: Агар сперма эрдан олиниб, у махсус амалиёт билан аёлига қўйилса, бунда ҳеч қандай эътироз йўқ. Агар аёлга бошқа эркакнинг спермаси қўйилса, бу шаръан мумкин эмас.

Мавзуга оид мақолалар
  1. Музлаткичингиздан нохуш ҳид келяптими Унда сизга ушбу усул фойда беради. Музлаткичингизнинг ҳар бир токчасига лимон бўлакларини қўйиб чиқинг. Шунда бу нохуш давоми...

08:27 / 20.01.2017 4505
Шарҳ Муаллифнинг «Комил иймон сифатлари ҳақида» деб номланган боб очишининг ўзи ғайри комил иймон ҳам борлигига далолат қилади. Чунки бу бобда келтирилган давоми...

06:40 / 15.01.2018 1343
ISLOM.UZ порталининг «Mавлид1435» тадбири

00:23 / 20.11.2014 1157
Беканинг саранжом саришталигию орасталиги ҳақида у бекалик қилаётган уйнинг ҳар бир бурчаги дарак бериб туради. Шу жумладан, ваннахона ва ҳожатхоналардир. Шундай давоми...

05:56 / 15.07.2017 3811