Жаннатда бир кун
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

‎Жаннатда бир кун

Муслима синглим, сизга жаннатни таърифлаб берайми?!

Жаннатни Аллоҳ Ўзи суйган бандаларига қароргоҳ қилган, уни Ўз раҳмати ва ризолиги билан тўлдирган, ундаги неъматларни улуғ, мулкини эса буюк деб таъриф этган. Агар жаннатнинг ери ҳақида сўрасангиз, билингки, у миск ва заъфарондир. Шифти эса – Раҳмоннинг арши. Ундаги биноларнинг ғишти олтину кумушлардан, еридаги тошлари маржону ёқутлардандир. Жаннатдаги дарахтнинг танаси бу дунёдаги каби ёғочдан эмас, балки соф тиллодан, мевалари эса асалдан-да тотли.

Муслима синглим, жаннат башорати берилган аёлларни биласизми? Мен бугун сизга улардан бирини танитмоқчиман.

Мўминлар онаси – Хадийжа бинти Хувайлид. Уларни, албатта, барчамиз яхши таниймиз. Хадийжа онамизнинг Расулуллоҳ соллаллоҳу алайҳи васаллам ҳаётларида юксак ўринлари бор. Улар ўз замоналаридаги аёлларнинг энг яхшиси бўлганлар. Набий соллаллоҳу алайҳи васаллам бу онамизга қайта-қайта жаннат башоратини берганлар.

Абу Ҳурайра розияллоҳу анҳудан ривоят қилинади:

«Жаброил алайҳиссалом Набий соллаллоҳу алайҳи васалламга келиб: «Эй Аллоҳнинг Расули, Хадийжа сизга бир идишда нонхуруш [ёки таом, ёки шарбат] олиб келяпти. Олдингизга келганида, унга Роббининг ва менинг номимдан салом айтинг ҳамда жаннатда ичида ғавғо ҳам, чарчоқ ҳам бўлмаган, ғовак дурдан бўлган бир уйнинг башоратини беринг», – деди».

Оиша розияллоҳу анҳодан ривоят қилинади:

«Набий соллаллоҳу алайҳи васаллам менга уйланмасларидан олдин вафот этган Хадийжадан рашк қилганчалик у зотни бирорта аёлларидан рашк қилмаганман, чунки мен у зотнинг уни (кўп) эслаганларини эшитар эдим. Аллоҳ у зотга (Хадийжага) жаннатда ғовак дурдан бўлган бир уйнинг башоратини беришни амр қилган. У зот қўй сўяр, ўшандан етганича унинг дугоналарига ҳадя қилар эдилар».

Дунё уммондир, унда ғарқ бўлганлар кўп, жаннат эса нажот соҳилидир. Омонлик соҳилига етишиш лаззати дунё уммонида саёҳат қилиш лаззатидан анчагина каттадир. Дунё кўприкдир, ундан ўтгин-у, уни обод қилиш билан овора бўлма! Дунёни обод қилма, деганим сени дангасалик ва тарки дунёга чорлаш эмас, балки дунё сенинг асосий мақсадингга айланиб, охиратга ҳозирлик кўришингдан тўсмасин, деганимдир.

Расулуллоҳ соллаллоҳу алайҳи васаллам: «Бу дунёда худди ғарибдек ёки ўткинчи йўловчидек бўл», – деганлар.

Жаннат илк манзилгоҳимиз бўлганини унутмаслигимиз лозим!

УММУ ЖАЪФАР

   
Мавзуга оид мақолалар
Жаннатга кирмай қолиш. Қуръони Карим оятлари ва ҳадиси шарифларга чуқур назар соладиган бўлсак, банданинг жаннатга киришдан маҳрум бўлиши ҳам унинг қилган баъзи давоми...

04:27 / 17.11.2016 3440
Бисмиллаҳир роҳманир роҳийм 2016 йил  июль ойининг 19 куни «Islom.uz» порталининг «muslimaat.uz»  сайтида Рамазон ойида ўтказилган «Рамазоннинг менинг  ҳаётимга давоми...

12:10 / 10.03.2017 3441
Malaysia Airlines Малайзия ҳаво йўллари ҳаж ва умра зиёратларига йўл олган жанубишарқий осиёлик мусулмонлар учун дунёдаги биринчи махсус хизматни йўлга қўйди. Биз давоми...

11:53 / 16.02.2019 2363
Ассаламу алайкум Азизлар Ийдул Фитр муборак Келгуси Рамазони шарифларга Аллоҳ таоло омонликда етказсин. httpswww.youtube.comwatchv77w0YHEKl2k

13:11 / 04.06.2019 2324
Янги мақолалар
Видео
Омина журнали