«Эрурсиз барча оламларга раҳмат, ё Расулуллоҳ!» танловининг 2-йўналишига оид 3-мақола
Ўқиш режими + -

Бисмиллаҳир Роҳманир Роҳийм.
Аллоҳ таолога битмас-туганмас ҳамду санолар бўлсин.
Пайғамбаримизга мукаммал ва батамом салавоту дурудлар бўлсин.

Расулуллоҳ алайҳиссаломни яхши кўришимизга 10 сабаб

  1. Саодату ҳидоятимиз сабабчиси. Аллоҳ таоло у зотни бизга йўлбошчи, охиратга қадар Пайғамбаримиз қилиб юборди. Улар бизнинг ҳидоят, саодат калитимиз бўлганликлари муҳаббатимиз сабабларидан биридир.
  2. Гўзал хулқлари. Набий соллаллоҳу алайҳи васаллам улкан хулқ эгаси эканликлари мўминлар муҳаббатига сазовордир, албатта.
  3. Ростгўйликлари. Севишимизнинг яна бир сабабини уларнинг ҳатто ҳазилда ҳам ростгўйликларини келтириб ўтиш мумкин. Пайғамбарлик келишидан ҳам аввал Макка халқи орасида “Ал-Амин” (ишончли)

            Деган номга эга бўлганликлари бунинг яққол намунасидир.

  1. Охиратда шафоатлари. Охиратда ўз умматига шафоатчи бўла олишлик фақат у зотга берилган экан, биз бунга муносиб бўлишимиз, Расулимиз соллаллоҳу алайҳи васалламни Аллоҳ ризолиги учун севишимиз даркор.
  2. Аҳли аёлларига меҳр-муҳаббатлари. Расулуллоҳ соллаллоҳу алайҳи васалламнинг “Сизлардан энг яхшиларингиз – аҳли аёлларига яхши муносабатда бўлувчиларингиздир”, деганлари у зотнинг ожиза саналмиш аёлларга эҳтиромларини кўрсатган.
  3. Етимларга бўлган мурувват. Пайғамбаримиз Муҳаммад Мустафо соллаллоҳу алайҳи васаллам етимларнинг бошини силашни садақага тенг билиб, уларга ўта меҳрибон ва кенг қалб эгаси бўлганлар.
  4. Мўминларга муҳаббатлари. Расули Акрам соллаллоҳу алайҳи васаллам камбағалларга ёрдам берганлар, беморларни зиёрат қилиб, вафот этганларнинг жанозаларида қатнашганлар.
  5. Ўзларидан кейинги мўминларга муҳаббатлари. Расулуллоҳ соллаллоҳу алайҳи васаллам саҳобаларига “Сизлардан кейинги биродарларимни соғиндим, сизлар мени, мўъжизаларимни кўриб туриб менга, Аллоҳга иймон келтирдингиз, улар эса мени кўрмасдан менга иймон келтиришади”, деган маънодаги сўзлари, уларнинг бизга бўлган муҳаббат, соғинчларини намоён этади.
  6. Аллоҳга итоат. Пайғамбаримиз соллаллоҳу алайҳи васаллам ҳаётларини Аллоҳ таолога итоат билан, Қуръони Карим баён қилган оятлар асосида ўтказганлар. Хулқи Қуръон бўлган бундай инсонни қандай қилиб севмаслик мумкин?
  7. “Инсон севгани билан биргадир”. Расулуллоҳ соллаллоҳу алайҳи васалламни севишлик, ҳаёт тарзимизда у зотнинг суннатларини энг юқори мезонга қўйишлик – дунёю охират саодатига етишишимиз сабабчиси бўлади, иншаАллоҳ.

Лазокат Фозилова

Мавзуга оид мақолалар
 Солиҳ амаллар уч шарт билангина қабул бўлади 1. Набий соллаллоҳу алайҳи васаллам келтирган суннатга мувофиқ бўлиши керак. Набий алайҳиссаломнинг суннатларига давоми...

23:02 / 23.09.2018 645
Ифторликда муздек шарбатни ичиб, шом намозини ўқиб бўлгач, дугоналарнинг ёқимли даврасида ёстиққа ёнбошлаб, турфа таомлар тортилади. Гулзордаги гуллар каби давоми...

00:22 / 11.05.2019 211
Масаллиқ 1 кг оқ ун, 1 стакан илиқ сут, 40 гр хамиртуруш, 150 гр эритилган кўй ёғи ёки сариёғ, 2 чой кошиғида туз, юзига сепиш учун 1 чой кошиғида седана керак Қадим давоми...

05:25 / 29.09.2016 1843
2 октябрь куни GOOGLE компанияси вакиллари маълум қиладики, суд қарорини олиши биланоқ, You TUBE Россия ҳудудидан «Мусулмонлар айбсизлиги» номли АҚШда ишланган жанжалли давоми...

00:15 / 02.12.2016 950